रुपन्देही उद्योग संघमा पद हस्तान्तरण



बुटवल, १८ कार्तिक ।
रुपन्देही उद्योग संघको ४१ औ साधारण सभा तथा २१ औ अधिवेशनबाट निर्वाचित कार्यसमितीले आजबाट आफ्नो पदभार ग्रहण गरेको छ ।
उद्योग संघले आज एक कार्यक्रमका बिच नव निर्वाचित कार्यसमितीलाई सपथ ग्रहण गराउनुका साथै पद हस्तान्तरण गरेको थियो । बाबुराम बोहोराको अध्यक्षतामा निर्वाचित टिमलाई प्रदेश नम्बर ५ सरकारका भौतिक योजना तथा यातायात मन्त्री बैजनाथ चौधरीले प्रमाणपत्र हस्तान्तरण गर्नुभएको थियो भने निर्वाचन समितीका संयोजक यामलाल खनालले सपथ गराउनु भएको थियो ।
पद हस्तान्तरण कार्यक्रमलाई सम्बोधन गर्दै मन्त्री चौधरीले ५ नम्बर प्रदेशलाई औद्योगिक हव बनाउन पदेश सरकार प्रतिबद्ध रहेको बताउंदै उद्योगीहरुलाई चाहिने पुर्वाधार निर्माणमा सरकार जुटिरहेको बताउनु भयो । उहांले पानी , बिद्युत, सडक जस्ता पुर्वाधार निर्माणमा सरकार लागिरहेको बताउंदै औद्योगिक हब बनाउन सरकारले उद्योगीहरुसंग समन्वय गर्ने स्पष्ट पार्नुभयो । उद्योग निती तथा ऐनहरु निर्माण गर्दा उद्योगीहरुले दिएको सुझाव समावेश गर्न सरकार तयार रहेको मन्त्री चौधरीको भनाई थियो ।
कार्यक्रममा निवर्तमान अध्यक्ष गणेश प्रसाद अधिकारीले नवनिर्वाचित अध्यक्ष बाबुराम बोहरालाई पद हस्तान्तरण गर्नुभएको थियो ।
अध्यक्ष सहित ३१ जना कार्यसकितीको पदाधिकारी तथा सदस्यहरुका लागि गत असोज ३० गते निर्वाचन भएको थियो । अध्यक्ष बोहोरा भने निर्बिरोध निर्वाचित हुनुभएको थियो । कार्यसमितीमा १ जना निवर्तमान अध्यक्ष र अध्यक्षले ३ जना मनोनित गरि ३५ जना रहने संघको बिधानले ब्यवस्था गरेको छ ।

    Comment Here!


सम्बन्धित समाचार

View All