अछाम, ३० असार । अछामको रामारोशन गाउँपालिका छ स्थित एक घर छानोमा आगलागि हुँदा लाखौँ मुल्य बराबरको क्षति भएको छ । रामारोसन गाउँपालिका वडा नं ६ निवासी भक्त साउदको घरमा आईतबार राति करिब १२ बजे आगलागी भएको थियो ।
भान्सा कोठाबाट अचानक सुरु भएको आगोले ढुङ्गा माटो र काठले बनेको १ तल्ले घरछानो तथा घर भित्र भएको धन सम्पत्ति अन्नपात, भाडावर्तन सवै जलेर नष्ट भएको छ ।
भक्त साउदको परिवारसंगै भएको अर्को घरमा बसेका हुदा मानवीय क्षेती भने भएको छैन । आगलागी गाउपालिका प्रहरी चौकी शान्तडालाई खबर गरे पछी प्रहरी टोलि सो स्थानमा पुगिसकेको र मुचुल्का उठाएको प्रहरीले जनाएको छ ।
प्रतिक्रिया दिनुहोस्