बैंककमा आयोजित थाइल्याण्ड इन्टरनेशनल फेशन उत्सवमा मिस्टर मोडल अफ द वल्र्ड दिक्पाल कार्की रयाम्पमा उत्रिएका छन् । उनी चर्चित फेशन डिजाइनर र ब्राण्डका पोशाकसहित रयाम्पमा उत्रिएका हुन् ।

अल्टिच्युड इन्टरनेशनल गु्रप थाइल्याण्डको आयोजनामा भएको फेशन उत्सवमा कार्की पोलिस बोडी साइज, थाइ च्यारिटी कलेक्सन र अन्सु पाण्डेको डिजाइनमा रन वे मोडलका रुपमा सहभागी भए ।

उत्सवका लागि आयोजक संस्थासँग नेपालका तर्फबाट ड्रिम सर्च एजेन्सीले समन्वय गरेको थियो । जसका सीईओ कमल निकोन क्षेत्री रहेका छन् । ड्रिम सर्च एजेन्सीले नेपाली मोडलहरुलाई विभिन्न अन्तर्राष्ट्रिय शोहरुमा प्लेटफर्मका लागि समन्वय गर्दै आएको छ ।

फेशन, प्रेम र संस्कृतिलाई प्रनिनिधित्व गर्ने गरी थाइल्याण्ड र अन्य विदेशी फेशन डिजाइनरहरुलाई एउटै प्लेटफर्ममा ल्याउनका लागि फेशन शो गरिएको आयोजकको भनाई छ ।

विभिन्न अन्तर्राष्ट्रिय फेशन शो र प्रतियोगिताहरुमा सहभागिता जनाउँदै आएका नेपाली मोडल दिक्पाल कार्कीले आइतबार सम्पन्न यो फेशन उत्सवमा सहभागी हुन पाउँदा खुशी व्यक्त गरे ।