सिरहा, ९ असार सिरहा प्रहरीले प्रतिबन्धित लागुऔषधसहित प्रहरीले सिरहाको बरियारपट्टीबाट तीन युवालाई पक्राउ गरेको छ ।
इलाका प्रहरी कार्यालय बरियारपट्टीबाट खटिएको प्रहरी टोलीले बरियारपट्टी गाउँपालिका–३ स्थित हवल्दारचोकबाट लागुऔषधसहित सिरहाको लहान नगरपालिका–२ निवासी ३१ वर्षीय सञ्जयकुमार महतो, लहान गरपालिका–८ निवासी २१ वर्षीय राजेश राय र लहान नगरपालिका– ७ निवासी ३४ वर्षीय रबि भुजेललाई पक्राउ गरेको हो ।

प्रहरीले उनीहरुको साथबाट लागुऔषध नाइट्रोसन ट्याब्लेट १० बरामद गरेको छ । पक्राउ परेका तीनै जनामाथि थप अनुसन्धान भइरहेको प्रहरीले जनाएको छ । त्यस्तै जिल्ला सिरहाको धनगढीमाई नगरपालिका वडा नम्वर –१० स्थित श्यामपुरबाट जिल्ला प्रहरी कार्यालय सिरहाबाट खटिएको बिशेश प्रहरी टोलीले लागूऔषधसहित २ जनालाई प्रक्राउ गरेको हो ।

पक्राउ पर्नेमा सिरहाको धनगढीमाई नगरपालिका वडा नम्बर –११ बस्ने ३० वर्षीय राम भगत महतो र धनगढीमाई नगरपालिका वडा नम्बर –१२ बस्ने ३५ वर्षीय रामेश्वर महतो रहेका छन् । उनको साथबाट ८.५ के.जि. लागूऔषध चरेस बरामद गरिएको छ । तयारी अवस्थामा रहेको उक्त चरेस भारत तस्करी गर्न राखिएको प्रहरीको भनाई छ । पक्राउ परेका दुबै महतोमाथी थप अनुसन्धानका लागि ईलाका प्रहरी कार्यालय लहानमा राखिएको प्रहरी जानकारी दिए । यता प्रहरीले भने युवाहरुमा लागुऔषको प्रयोग पछिल्लो समय अत्यधिक वढेको भन्दै त्यसलाई रोकथाम र नियन्त्रण गर्न विषेश अपे्रशन सुरु गरेको छ ।