बीरगंज १९ फागुन । वीरगञ्जको अर्दशनगर रंगशालामा आजदेखि अश्वमेध गायत्री महायज्ञ शुरु भएको छ ।
आज बीरगंजको घण्टाघर स्थित विपी उधानबाट महिलाहरुले कलश यात्रा लिएर वीरगञ्जको अर्दशनगर रंगशालामा पुगेपछी अश्वमेध गायत्री महायज्ञ शुरु भएको हो ।

अश्वमेध गायत्री महायज्ञको देव सँस्कृति विश्वविद्यालयका कुलाधिपति एवं अखिल विश्व गायत्री परिवारका अध्यक्ष डा प्रणव पाण्ड्याले महायज्ञ स्थलमा पानसमा बत्ती बालेर उद्घाटन गर्नु भएको थियो ।

खराब मौसमका कारण राष्ट्रपति विद्यादेवी भण्डारी आउन नसकेपछि महायज्ञको उद्घाटन डा। पाण्ड्याले गरेका हुन । महायज्ञ मुल आयोजक समितिका अध्यक्ष डा उपेन्द्र महतोले राष्ट्रपति विद्या भण्डारीले पठाएको सन्देश पढेर सुनाएका थिए ।

सन्देशमा भण्डारीले महामन्त्र, वेदमन्त्र, गायत्री मन्त्रको उपासनाका साथ हुने अश्वमेध महायज्ञले जीवन मुल्य र अत्याध्म अनुशासन कायम गर्ने विश्वास व्यक्त गरिएको छ ।
महायज्ञको उद्घाटन गर्दै डा पाण्ड्याले गायत्री मन्त्रोच्चारण सहित हुने महायज्ञले मानिसमा क्रान्तिकारी अध्यात्मीक चिन्तन बढ्ने बताउनु भयो । त्यस अवसरमा पाण्ड्यालाई नेपाली टोपी र रुद्राक्षको माला लगाएर आयोजकले सम्माने गरिएको थियो ।

२ सय ५१ कुण्डीय भव्य यज्ञशाला निर्माण गरिएको महायज्ञमा देव सँस्कृति दर्शाउने प्रदर्शनी राखिएको छ । शान्तिकुञ्ज हरिद्वारबाट आएका पुरोहित तथा साधकहरुले वैदिक मन्त्रको साथमा ४ दिनसम्म हवन यज्ञ गर्नेछन् ।
भेली बिहानै देखी उक्त महायज्ञ स्थालमा बनाईएको २ सय ५१ वटा हवन कुण्डको बिधिवक रुपमा पुजा आजा गरिने छ ।

युग संगीत, सत्सँग एवं साँस्कृतिक कार्यक्रमका साथै १६ प्रकारका सँस्कार निःशुल्क गर्ने व्यवस्था मिलाईएको छ । पुस्तक मेला, चित्र प्रदर्शनी समेत राखिएको छ ।

महायज्ञको पहिलो दिन आज बीरगंजको घण्टाघरबाट करिव दश हजारको संख्यामा कलश लिएर महिलाहरु विशाल कलश यात्रा समेत निकालिएको थियो ।

यात्रामा नगर तथा बिदेशबाट आएका उल्लेख्य महिलाहरुले सहभागिता जनाएका थिए । महायज्ञ चार दिन सम्म चल्ने छ । बीरगंज महानगर क्षेत्रमा चारदिनसम्म माछा, मासुमा प्रतिबन्ध लगाइनुको साथै विद्यालयहरु पनि पूर्णरुपले बन्द गरिएको छ ।

यज्ञमा सहभागीहरुको स्वागत यज्ञ आयोजक समितिका संयोजक तथा बीरगंज महानगरपालिकाका प्रमुख बिजय सरावगीले गरेका थिए ।