कैलाली, १३ फागुन । ईलाका प्रहरी कार्यालयले ५५ ग्राम लागु औषध खैरो हिरोइन सहित १ भारतीय र ३ नेपाली सहित टीकापुरको खक्रौला नाकाबाट पक्राउ गरेको हो ।

भारतीय नागरिक खिरीम ग्राम पञ्चायत चक्करपुर बस्ने २४ वर्षिय सुखदेव सिंह, टीकापुर नगरपालिका वडा नं.२ बन्दीपुर बस्ने २५ वर्षिय कोप निराजन शाह, वडा नं.४ अस्नेहरी बस्ने २४ वर्षिय भेडे भन्ने नविन कार्की र बर्दिया गेरुवा गाउपालिका वडा नं.२ बस्ने १९ की भावना हमाललाई प्रहरीले सोमबार सार्वजनिक गरेको हो ।

चेकजाचका क्रममा प्रहरीले भारतिय नागरिकको साथबाट ४९ ग्राम २६० मिली ग्राम, निराजन शाह रभेडे भन्ने नविन कार्कीको साथबाट ४ ग्राम १३० मिलिग्राम र भावना हमालको साथबाट १ ग्राम ८२० मिलिग्राम गरी जम्मा ५५ ग्राम २१ मिलिग्राम लागु औषध (खैरो हिरोईन) बरामद गरेकोे ईलाका प्रहरी कार्यालय टीकापुरका प्रमुख शिवबहादुर सिंहले जानकारी दिनुभयो । पक्राउ गरिएकालाई अदालतबाटम्याद थप गरी अनुसन्धान थालिएको प्रमुख सिंहले जानकारी दिनुभयो ।

पछिल्लो पटक प्रहरीले यसरी ठूलो परिमाणमा खैरो हिरोयन बरामत गरेको यो पहिलो पटक हो । भारतीय नागरिकसँगको मिलेमतोमा नेपालमा खैरो हिरोइन भित्रीने सूचनाका आधारमा विगत ३ महिना देखि केही प्रहरीहरु सादा पोसाकमा परिचालन गरिएका थिए ।