चितवन , १९ कार्तिक । चितवन प्रहरीले ३ लाख रुपैयाँ सहित १६ जना जुवाडेलाइ आइतबार राती पक्रेको छ । पुर्वी चितवनको रत्ननगर नगरपालिका ९ स्थित सिसै गाउँमा जुवा खेल भइरहेको भन्ने विशेष सुराकीको आधारमा जुवा खेल्दै गरेकाे अवस्थामा उनिहरूलाइ जिल्ला पहरी कार्यालय चितवनले पक्राउ गरेको हो ।
जिल्ला प्रहरी कार्यालय चितवन र ईलाका प्रहरी कार्यालय रत्ननगर टाँडी बाट गएकाे प्रहरीको टोलीले १६ जना जुवाडे सहित झन्डै ३ लाख रुपैयाँ समेत बरामद गरेको छ ।
जुवाको खालबाट चेक काटी तयार पारी राखिएको अवस्थामा १ लाख रुपैयाँको चेक समेत प्रहरीले वरामद गरेको छ । रत्ननगर नगरपालिका ९ स्थित शुकराम दराईको घर भित्र च्यानलगेट लगाएर जुवा खेल्दै गरेको अवस्थामा नेपाल विद्युत प्राधिकरणबाट लगिएको भर्याङबाट चढी उनीहरुलाई पक्राउ गरिएको चितवनका प्रहरी प्रमुख सुशील सिंह राठौरले जानकारी दिएका छन् ।
प्रहरीले यो सहित विभिन्न पाँच स्थानबाट जुवा खेल्ने र खेलाउने दुबैलाई पक्राउ गरी जुवा ऐन २०६३ अन्तर्गत मुद्दा दर्ता गरि कार्वाही प्रक्रियालाई अगाडि समेत बढाइएको चितवनका प्रहरी प्रमुख एवं प्रहरी उपरीक्षक शुसिलसिंह राठौरले जानकारी दिए ।
चाडवार्डमा हुन सक्ने जुवातास नियन्त्रणका लागि चितवन प्रहरीले विशेष टोली नै गठन गरेको छ । जुवा खेल भएको थाहा पाए वा देखे तत्काल चितवन प्रहरीको टेलिफोन नम्बर १०० नम्बर वा कार्यालय प्रमुखको ९८५५०१५५५५ मा सूचना दिन अनुरोध समेत गरिएकाे छ ।
प्रतिक्रिया दिनुहोस्