झापा, १८ कातिक । तिहार र छठ पर्वमा नेपाली बजारमा फूलको खपत अत्यधिक हुने गर्दछ । यस सयममा बजारको मागलाई पूर्ति गर्न विदेशबाट फूल आयात गर्नुपर्ने बाध्यता रहेको छ । यही अवस्थालाई मध्यनजर गर्दै झापाको किसानले सयपत्री फूलको व्यवसायिक खेती गरेका छन् । तर, उत्पादन भएका फूलको भण्डारण र बजार व्यवस्थापन गर्न नसक्दा फूल नष्ट हुने चिन्ताले किसानलाई सताउन थालको छ ।

तिहार र यस लगत्तै आउने छठ पर्वमा देशभर सयपत्री फूलको माग ह्वात्तै बढ्ने गर्दछ । त्यस मागलाई नेपालमा उत्पादनमा भएका फूलले नधान्ने भएकाले भारतीय बजारबाट ठूलो मात्रामा सयपत्री आयात गरिंदै आइएको छ । विदेशबाट फूल आयात भइरहेको नजिकबाट नियालेका झापाको भद्रपुर नगरपालिका वडा नम्बर ७ इलुबारीका खेमराज दाहाल र खगेन्द्रा खुसीले भद्रपुरमै व्यवसायिक सयपत्री खेती गरेका छन् । फूलको बजार राम्रो देखेका दाहाल दम्पत्तीले वार्षिक वार्षिक ५० हजार रुपैया“मा जग्गामा भाडामा लिएर सयपत्री फूल खेती गरेका हुन् ।

भारतको कलकत्ताबाट विरुवा ल्याएर रोपिएको ५० हजार बोट सयपत्री फूल ढकमक्क फुलेको छ । तर, बजार व्यवस्थापन गर्न नसक्दा फूल बोटमै ओइलिन थालेपछि घाटामा जाने हो कि भन्ने चिन्ता बढेको खेमराज दाहालले बताए ।
पछिल्लो समय फूल चाडबाडका बेला मात्र नभएर फूलको प्रयोग सभा समारोह, पूजाआजा, जन्म, मृत्यु लगायतका कार्यमा पनि प्रयोग गर्ने प्रचलन बढ्दै गइरहेको छ । जसले गर्दा अन्य सिजनमा पनि फूलको माग बढ्दै गएको छ । दाहाल दम्पत्तीले अहिलेसम्म ७० हजार रुपैया“ बराबरको सयपत्रीको माला बिक्री गरिसकेका छन् । फूलको थु“गाभन्दा मालाको बजारमा माग रहेको खगेन्द्र खुशी बताउ“छिन् ।

पहिलो पटक सयपत्री फूलको खेती गरेकाले प्राविधिक समस्या भएको उनीहरुको भनाइ छ । फूल एकै पटक फुल्ने तर ती सबै सोही समयमा बजारमा पठाउन असम्भव रहेकाले भण्डारण गर्ने ठाउ“को अभाव छ ।

तिहार र छठ पर्व नजिकि“दै गर्दा का“कडभिट्टा नाकाबाट फूल भित्रिने क्रम बढ्दो छ । अहिलेसम्म २० मेट्रिक टन फूल नेपाल भित्रिएको मेची भन्सार कार्यालय का“कडभिट्टाका कर्मचारी किरण अर्यालले जानकारी दिए । नेपालमै उत्पादन भएको फूलले बजार नपाइरहेका बेला यति धेरै मात्रामा विदेशबाट भित्रिनुले किसानले बजार पहिचान गर्न नसक्नु नै हो । त्यसैले सम्बन्धित निकायले किसानलाई बजार पहिचानका लागि सहयोग गरे किसानलाई प्रोत्साहन हुने छ ।