डोल्पा १४ कात्तिक । हिमाली जिल्ला डोल्पामा मानब अधिकार सम्बन्धि एक दिने प्रशिक्षण कार्यक्रम सम्पन्न भएको छ ।

मानव अधिकार संगठन डोल्पाले आयोजना गरेको उक्त प्रशिक्षण कार्यक्रममा सहभागीता जनाएका जनप्रतिनिधि,सुरक्षा संगठनका पदाधिकारी,नागरिक अगुवा,संञ्चारकर्मी,विद्यार्थी,सर्वसाधारण लगाएतका सरोकारवाला व्यक्तिलाई मानव अधिकार संरक्षण सम्बन्धि आधारभुत कुराहरुको जानकारी गराईएको थियो ।

डोल्पाका जनप्रतिनिधिलाईनै मानव अधिकार शिक्षा सम्बन्धि न्युन जानकारी रहेको बताउँदै केन्द्रबाट प्रशिक्षण कार्यक्रममा डोल्पा पुगेका प्रोफेसर डाक्टर गोबिन्द प्रसाद ढकाल र अधिवक्ता कल्याण पोखरले स्थानीय सरकार प्रमुखका रुपमा रहेका जनप्रतिनिधिहरुले मानवअधिकार सम्बन्धि आधारभुत ज्ञान लिनुपर्ने बताए ।

संघियतामा न्यायिक अधिकारनै स्थानीय सरकारलाई पाएकाले मानव अधिकार सहितको न्याय दिलाउनुपर्ने उसको कर्तव्य भएको बताईएको थियो ।

सरोकारवालाको उपस्थितिमा भएको प्रशिक्षण कार्यक्रममा संविधानमा ब्यबस्था गरिएका मौलिक हक र देवानी सहिंता ऐनमा उल्लेख गरिएका कानुनी व्यवस्थाको बारेमा समेत जानकारी दिईएको थियो ।