धरान,८ कात्तिक । तिहार नजिकिदै गर्दा धरानमा धरान प्रहरीले ठुलो मात्रमा पटेका बरामद गरेको छ । धरान १० धर्मपथ स्थित पुरानो एम्स कलेज रहेको कुमारी सुनुवारको घरमा डेरा गरी वस्ने तीनजानले जुटको २१ बोरा करिब १० लाख मुल्य बराबरको पटेका जन्य वस्तु बरामद गरेको हो ।

पटेका संगै भारतीय तीन जना नागरीकलाई पनि प्रहरीले पक्राउ गरेको छ । पक्राउ पर्नेमा भारतको पुर्णिया वस्ने ३५ बर्षिय राजकुमार दास, भारतकै अररिया बस्ने ३५ बर्षिय अर्विन देव र भारत मदिपुराका ३५ बर्षिय दिलिप दास रहेका छन् ।

विषेश सुचनाको आधारमा सो परिणामको पटेकाजन्य सामाग्री बरामद भएको इलाका प्रहरी कार्यालय धरानका प्रमुख डिएसपी सुमनकुमार तिम्सीनाले बताउनुभयो ।

तिहारमा रमाईलोका लागि विभिन्न प्रकारका पटेकाजन्य बस्तु धरान आयत गर्ने मुख्य गिरोह यो समुह रहेको धरान प्रहरीले दावी गरेको छ । विभिन्न सामनको बिच भागमा लुकाएर ल्याईने पटेका जन्य वस्तु तिहारमा सवैभन्दा वढी खपत हुनेगर्दछ ।

उनीहरुलाई विष्फोटक पदार्थ ओसारपसार तथा वेचविखन अन्र्तगत तीन बर्ष कैद तथा ३० हजार बरावरको जरिवाना कानुनी कसुर रहेको बताईएको छ । सोही अनुसार उनीहरुलाई कानुनी कार्वाही गर्नै प्रहरीले बताएको छ ।