कृष्ण ओली /नेपालगन्ज २३ असोज । चाडबाड नजिकिएपछि रोजगारीका लागि विदेशिएकाहरु घर फर्किने क्रम बढेको छ । सदूरपश्चिम, कर्णाली र प्रदेश नम्बर ५ प्रदेशबाट रोजगारीका लागि भारत गएकाहरु पनि घर फर्किन थालेका छन् । पछिल्लो दिनहरुमा बाँकेको नेपालगन्जमा रहेको जमुनाहा नाकाबाट दैनिक २ हजारभन्दा बढी नेपालीहरु भारतबाट घर फर्किन थालेका छन ।

विगतमा वर्षहरुमा घर फर्किने क्रममा उनीहरु सीमा क्षेत्रमा लुटिने ठगिने गरेको गुनासो आएकाले यसवर्ष प्रशासनले उनीहरुको सुरक्षा व्यवस्था गरेको छ ।

रोजगारीका लागि छिमेकी मुलुक भारतका विभिन्न ठाउँमा गएका नेपालीहरु चाडबाड नजिकिएस“गै घर फर्किन थालेको छन् । यो क्रम केही दिनयता ह्वात्तै बढेको छ । सदूरपश्चिम, कर्णाली र प्रदेश नम्बर ५ का विभिन्न जिल्लाबाट भारत गएका उनीहरु नेपालगन्जको जमुनाहा नाकाबाट र्फिर्करहेका छन् । चाडबाड मनाउन घर फर्किने उनीहरुको सुरक्षालाई मध्यनजर गर्दै जिल्ला प्रहरी कार्यालय बा“केले सीमा क्ष्ँेत्रमा सुरक्षा व्यवस्था कडा बनाएको बताएको छ । विगतका वर्षमा भारतबाट फर्किने क्रममा भारतको रुपैडिहा तथा नेपालगन्जमा लुटिने र ठगिने गरेको थिए । यस्ता घटना दोहोरिन नदिन सादा पोशाकमा समेत प्रहरी परिचालन गरिएको जनाइएको छ । इलाका प्रहरी कार्यालय जमुनाहाका इन्चार्ज सई शिव ओलीले रुपैडिहाको बसपार्कसम्मै नेपालीहरुको सुरक्षाका लागि नेपाली सुरक्षाकर्मीले निगरानी गरेको बताए । उनका अनुसार अहिलेसम्म कोही नेपाली लुटिएको वा ठगिएको जानकारी नआएको बताए ।

विगतका वर्षहरु चाडबाड मनाउने घर फर्किने क्रममा सीमा क्षेत्रमा नेपालीहरु ठगिने र लुटिने मात्र नभई भारतीय प्रहरीले समेत दुःख दिने गरेको यथेष्ठ गुनासो आउने गरेका थिए । तर, यस वर्ष त्यस्तो गुनासो नआएको प्रहरीले बताएको छ । नेपाल प्रहरीले भारतीय प्रहरीसँग समन्वय गरेर घर फर्किने नेपालीको सुरक्षा कार्यक्रम अघि बढाएको छ । जमुनाहा नाकामा यात्रु सहयता कक्ष स्थापना गरिएको छ भने भारततर्फ पनि नागरिक सहायता कक्ष स्थापना गरिएको छ । पछिल्ल्लो समय दैनिक २ हजार ५०० जनासम्म नेपालीहरु फर्किने गरेको तथ्यांक छ । फर्किने क्रममा बसपार्कमा रिक्सावालाहरुले झोला खोसाखोस गर्नेबाहेकको अन्य सास्ती भने नभएको बताएको घर फर्किने सर्वसाधरणहरु बताउँछन् । यस्तै, भारतीय भूमिमा समेत अघिल्लो वर्ष झै समस्या झेल्नु नपरेको बताए ।

दाङ, कैलाली, डडेलधुरा, अछाम, बाँके, सल्यान, रुकुम, हुम्ला, जुम्ला लगायतका जिल्लाका मानिसहरु रोजगारीका लागि भारत जाने प्रचलन छ । उनीहरु चाडबाडका बेला नेपालगन्जको जमुनाहा र कञ्चनपुरको गड्डा चौकी नाका हुदैं फर्किने गर्दछन् । दशै तिहारजस्ता चाडबाड परिवारसँगै मिठो खाने राम्रो लाउने आशाका साथ केही धन आर्जन गरेर घर फर्किने गर्दछन् । उनीहरुलाई ढुक्कसँग नेपाल भित्रिने वातावरण बताउने प्रशासन प्रयास सराहनीय छ । अझै उनीहरुलाई सुरक्षित रुपमा घरसम्म पुग्ने वातावरणमा बनाउन जरुरी छ ।