बर्दिया,,१४ असोज । जिल्ला कारागार बर्दियाका कैदिवन्दीले निशुल्क रुपमा एचआईभी परिक्षण गराएका छन् । परिवर्तनका लागि हामी नामक सस्थाको आयोजना र सहयोगी हात नेपालको सहजीकरणमा एचआईभी परिक्षण गरिएको हो ।

जिल्ला प्रशासन कार्यालय बर्दियासंग अनुमति लिइ एचआईभि परिक्षण गरीएको हो । कुनै पनि संघ सस्थाको ध्यान कारागारमा वन्दी जीवन बिताईरहेका कैदीवन्दी तर्फ कमै जानेगरेकाले संस्थाले सो काम गरेको ल्याव टेक्निसीयन मनोज अधिकारीले बताए ।

कारागारमा वन्दी जीवन विताई रहेका कैदिवन्दी हरुले पनि आफ्नो स्वास्थ्यको वारेमा जानकारि पाउन भन्ने उद्धेश्यले कार्यक्रम कारागारमा संचालन गरिएको टेक्निसीयन अधिकारीले बताए ।

१सय २१ जना पुरुष र १३ जना महिला गरी १सय ३४ जनाले रक्त परिक्षणबाट कारागार भित्रनै एच.आईभी. परिक्षण गराएको आयोजकले जनाएको छ । जिल्ला कारागार गुलरियामा २सय२५ पुरुष, १३ महिला र १नावालक गरि २सय ३९ जना कैदिवन्दी रहेको निमित्त जेलर नारायण प्रसाद पोखरेलले वताए । परिक्षण गरिएका सवैको रिपोर्ट नेगेटिभ आएको ल्याव टेक्निसीयनले जानकारी गराएका छन् ।