काठमाडौं,३१ भाद्र ।अर्थमन्त्री डाक्टर युवराज खतिवडाले कृषि, श्रमलगायत सबै क्षेत्रमा रोजगार गरिरहेकालाई कोषअन्तर्गत सामाजिक सुरक्षा प्रदान गर्न सरकारले गृहकार्य गरिरहेको बताउनुभएको छ ।

कर्मचारी सञ्चय कोषको ५७ औँ वार्षिकोत्सवका अवसरमा आईतबार काठमाडौमा आयोजित कार्यक्रममा उहाले यस्तो बताउनुभएको हो । कर्मचारी आवास व्यवस्था न्यून वैतनिक व्यवस्था भएकालाई प्राथमिकता दिइनुपर्ने भन्दै जोखिमपूर्ण आवासमा बसेकाले यो सुविधा पाउनुपर्ने जिकिर गर्नुभयो ।

उहाले कर्मचारीले उत्पादकत्व बढाएर सुविधा लिनुपर्ने, कोष मध्यकालीन ब्याजदरको प्रणालीमा जानुपर्ने बताउनुभयो ।

आवास सम्बन्धी बिद्ययेक पारित भएको भन्दै उहाले सरकारले आवास बिहीन रहेका बिपन्न गरिवीमुनी रहेका जनता यसबाट प्रत्यक्ष लाभान्वित हुने जिकिर गर्नुभयो । त्यस्तै उहाले पूँजी बजारलाई सञ्चालन गर्न सक्ने क्षमतामा कोष स्थापित हुनुपर्नेमा जोड दिनुभयो ।

हालसम्म कोषले रु दुई खर्ब ८७ अर्ब ७८ करोड अर्थात् ९८ दशमलव ३४ प्रतिशत रकम विभिन्न क्षेत्रमा लगानी गरेको छ । कोषको स्रोतमा रु दुई खर्ब ९२ अर्ब ६३ करोड जम्मा भएको कार्यक्रममा जानकारी दिईएको छ ।

कार्यक्रममा कोषका प्रशासक तुलसीप्रसाद गौतमले सबै क्षेत्रमा रोजगारी गरिरहेकालाई दायरामा ल्याउन लागिएको बताउनुभयो ।