काठमाडौं, १८ भाद्र । संस्कृति पर्यटन तथा नागरिक उड्यानमन्त्री रविन्द्र अधिकारीले चौथो विमस्टेक सम्मेलनमा पर्यटनलाई विशेष प्रथामिकता दिइएको बताउनु भएको छ ।

ट्रकिङ एजेन्सिज एसोसियसन अफ नेपाल टानले शनिबार विभिन्न राष्ट्रको वाणिज्यदुतहरुसंग नेपालको पयर्टन विकासमा वाणिज्य दुतहरुको भुमिका विषयक अन्तरक्रिया कार्यक्रममा बोल्दै मन्त्री अधिकारीले विमस्टेक राष्ट्रहरुसंग नेपालको पर्यटन प्रवद्र्धनमा विशेष जोड दिएको बताउनुभयो । नेपालले घोषणा गरेको नेपाल भ्रमण २०२० लाई सफल बनाउन सके २०२० सम्म नेपालको जिडिपीमा करिब १० प्रतिशत पुग्ने पनि उहाले दावी गर्नुभयो ।

त्यस्तै कार्यक्रममा बोल्दै टानका अध्यक्ष नवराज दाहालले नेपाल भ्रमण सुरक्षित रहेको सन्देश अन्तराष्ट्रि निकाय सम्म पु¥याउन विभिन्न राष्ट्रका वाणिज्यदुतहरुलाई आग्रह गर्नुभयो । अध्यक्ष दाहालले नेपालको पर्यटन पवद्र्धनका लागि अन्तराष्ट्रिय लगानी भित¥याउन पनि वाणिज्यदुतहरुको महत्वपुर्ण भुमिक रहनेमा जोड दिनुभयो ।

नेपाल भ्रमण २०२० लाई सफल बनाउन आफुहरु तयार रहेको तर सरकारले आफुहरुलाई यस विषयमा प्रत्यक्ष जानकारी नगराएको गुनासो छ । नेपालको अर्थतन्त्रमा सहयोग गर्ने महत्वपुर्ण र सहज बाटो पर्यटन भएकोले पयर्टन प्रवद्धनका लागि सरकारको विशेष ध्यान जान आवश्यक रहेको वाणिज्य दुतहरुको जोड छ ।  अन्तक्रिया कार्यक्रममा विभिन्न ४५ राष्ट्रका वाणिज्यदुतहरु त्यस्तै पर्यटन व्यवसायीहरुको उपस्थिति रहेको थियो ।