रौतहट, १६ भाद्र । थारु कल्याणकारिणी सभामा निर्वाचन अधिकृत र केन्द्रिय सदस्यले मनोमानी गर्न थालेपछि विवाद उत्पन्न भएको छ ।
भाद्र १४ र १५ गतेको कार्यक्रम अन्तरगतको बन्द सत्रमा शुक्रबार साँझ अबेर सम्म पनि अध्यक्ष पदको लागि सहमति जुट्न नसक्दा निर्वाचन प्रकृयामा नगएर थारु कल्याणकारिणी सभाका केन्द्रिय सदस्य कृष्ण चौधरी र निर्वाचन अधिकृत हृदय नारायण चौधरीले आफ्नो मानोमानी तरिकाले पुरानै कार्य समितिलाई पुनः सम्पूर्ण जिम्मेवारी निर्णय गर्दा विवाद उत्पन्न भएको हो ।

उक्त एक लौटी गरिएको गलत निर्णयको विरोध गर्दै भेलामा जम्मा भएका सम्पूर्णले सदस्यले माइन्यूट च्यातिदिएका थिए ।
केन्द्रिय सदस्य कृष्ण चौधरी र निवार्चन अधिकृत हृदय नारायण चौधरीको गलत निर्णयको बिरोध गर्दै उक्त माइनेटिङ्ग च्यातिएको अध्यक्ष पदका दावेदार राम बाबु चौधरीले बताए । उनले थारु समुदायको हक हितका लागि गठित संस्था थाकसलाई जिल्ला समितिका अध्यक्ष राम अश्रय चौधरीले निजीकरण गरेको आरोप समेत लगाए ।

थाकस कसैको पेवा होइन यो विशुद्ध सामाजिक संस्था हो र राम अश्रय चौधरी ४ कार्यकाल सम्म अध्यक्ष पदमा रहेर लाखौ रुपैया आर्थिक अनिमियतता गरेको र थारु समुदायको हितमा कुनै काम नगरेर आरोप लगाउदै उल्टै गुट बन्दि गरि जिल्लाका थारुहरूलाई २ गुटमा विभाजन गरेको अध्यक्ष पदका उम्मेदवार कृप चौधरीले बताए । थाकसको नाममा राजनीति नगर्न र यथा सिघ्र सहमति जुटाउन बिघटित कार्य समितिका उपाध्यक्ष भूमध्य चौधरी, थारु अगुवाहरूले माग गरेका छन यसलाई वेवास्ता गरे समानन्तर समिति गठन गरेर अगाडी बढ्ने उपाध्यक्ष भूमध्य चौधरीले जानकारी दिएका छन ।