अछाम,३१ साउन । घरेलु तथा साना उद्योग विकास समिति अछाममा हाल सम्म २ हजार ५ सय २ ओटा उद्योगहरु दर्ता भएका छन् ।

बाँणिज्य तर्फ २ हजार ४ सय ५९ र उद्योग तर्फ ७ सय ३६ र नयाँ ४३ गरी जम्मा २ हजार ५ सय २ ओटा उद्योगहरु घरेलु तथा साना उद्योग बिकास समितिमा दर्ता भएका समितिका सहलेखापाल बिबेक चौधरीले बताउनु भयो ।

१० ओटा स्थानीय तह मध्य सबै भन्दा बढी साँफेबगर नगरपालिकामा संचालनको अनुमती लिएर ७ सय ४० ओटा उद्योग दर्ता भएका छन । जस मध्य बाणिज्य तर्फ ५ सय ४७ र उद्योग तर्फ १ सय ९३ रहेका छन् ।

यस्तै मंगलसेन नगरपालिकामा संचालनको अनुमती लिएका बाणिज्य तर्फ ४ सय ९० र उद्योग तर्फ २ सय ४८ गरी ७ सय ३८, कमलबजार नगरपालिकामा बाणिज्य तर्फ २ सय ६४ र उद्योग तर्फ २८ गरी २ सय ९२, पञ्चदेवल बिनायक नगरपालिकामा संचालनका लागी अनुमती लिएका बाणिज्य तर्फ २ सय र उद्योग तर्फ ४२ गरी २ सय ४२, र बान्निगढी जयगढ गाँउपालिकामा संचालनको अनुमती लिएर बाँणिज्य तर्फ १ सय ७ र उद्योग तर्फ ५५ गरी जम्मा २ सय ४२ उद्योगहरु दर्ता भएका घरेलु तथा साना उद्योग बिकास समिति अछामले जनाएको छ ।

यसैगरी चौरपार्टि गाँउपालिकामा संचालनको अनुमती लिएका बाणिज्य तर्फ १ सय ७९ र उद्योग तर्फ ४३ गरी २ सय ३२, तुर्माखाँद गाँउपालिकामा संचालनको अनुमती लिएर बाणिज्य तर्फ १ सय ७२ र उद्योग तर्फ ४० गरी जम्मा २ सय १२, मेल्लेख गाँउपालिकामा बाणिज्य तर्फ १ सय ४५ र उद्योग तर्फ ४९ गरी १ सय ९४, रामारोसन गाँउपालिकामा संचालनको अनुमती लिएका बणिज्य तर्फ १ सय ३६ र उद्योग तर्फ २७ गरी १ सय ६३ र ढकारी गाँउपालिकामा संचालनको अनुमती लिएर बणिज्य तर्फ १ सय ३९ र उद्योग तर्फ ११ गरी जम्मा १ सय ५० उद्योगहरु दर्ता भएका जिल्ला घरेलु तथा साना उद्योगका सहलेखापाल बिबेक चौधरीले जानकारी दिनु भयो ।

घरेलु तथा साना उद्योग बिकास समितिले कोल्ड स्टोर, खुद्रा पसलहरु, जनरत स्टोर र एग्रोभेट जस्ता ब्यवशायलाई बाँणिज्य र कुटानीपिसानी मिल, फर्निचर, कन्ट्रक्सन, दालमोट उद्योग, सिस्नो पाउडर बनाउने, हाते कागज, चाउमिन उद्योग, नर्सरी फर्म, कुखुरा, बाख्रा फर्म र आरन व्यवशायलाई उद्योग गरी दुई भागमा बिभाजन गरेको बताईएको छ ।

यस्तै घरेलुले गत आर्थिक बर्षमा २७ लाख ७९ हजार ६ सय ६० रुपयाँ राजस्व संकलन गरेको छ । समितिले प्रशासनिक दस्तुर ९१ हजार २ सय र प्राईभेट फर्महरु दर्ता तथा नबिकरण बापत २६ लाख ८ हजार ४ सय ६० रुपयाँ राजस्व संकलन गरेको सहलेखापाल चौधरीले जानकारी दिनु भयो ।