चितवन, २९ साउन ।चितवनको सिमसार क्षेत्रमा संरक्षित र आकर्षणको केन्द्र रहेको  बकुल्ला चरा अवलोकन गर्न दैनिक हजारौ पर्यटक आउने गरेका छन् ।
पछिल्लो समयमा स्थानीयहरुले बकुल्ला, लगाएत संरक्षित बन्यजन्तुको चोरी निकासी बढेपछि चोरी रोक्न प्रहरीले सक्रियता बढाएको छ ।
आज मंगलवार भरतपुर म.न.पा.वडा नं.६ केशरबाग स्थितमा बकुल्ला चरा मार्ने ८ जना सहित ३ ओटा मोटरसाईकल प्रहरी पक्राउ गरेको   छ ।
पक्राउ पर्नेमा जिल्ला सुनसरी दोहवी न.पा.वडा नं.६ बस्ने बर्ष २० को महमद मुसाफ , जिल्ला सुनसरी दोहवी न.पा.वडा नं.६ बस्ने बर्ष २३ को महमद फिरा हुसेन, जिल्ला सुनसरी दोहवी न.पा.वडा नं.६ बस्ने बर्ष १८ को महमद हाजिम , बर्ष २३ को महमद सामिन, बर्ष १६ को महमद ईस्ताक, बर्ष १६ को महमद कलाम, बर्ष १६ को महमद कन्जर र बर्ष १८ को महमद ईस्लाय रहेको प्रहरी नायव उपरिक्षक प्रभुप्रसाद ढकालले जानकारी दिए । पक्राउ गरी आवश्यक कानूनी कारवाहीको लागि जिल्ला बन कार्यालय भरतपुरमा बुझाईएको प्रहरी नायव उपरिक्षक ढकालले जानकारी दिए ।

चोरी गर्ने मानिसहरुले बाँसको लाठी प्रयोग गरी बकुल्ला चरा मारेको भन्ने सूचनाको आधारमा ईलाका प्रहरी कार्यालय गितानगरबाट गएको प्रहरी टोलीले देखेपछि मोटर साईकल चढी भाग्दै गरेको अवस्थामा स्थानिय मानिसहरुको सहयोगमा देवनगरमा रहेको बन रेन्ज चेकपोष्टबाट मोटर साईकल सहित नियन्त्रणमा लिईएको ढकालले बताए । उनिहरुले ७२ वटा सेतो बकुल्ला चरा मारेका प्रहरीले बताएको   छ ।