अर्थमन्त्री डाक्टर युवराज खतिवडा नेपाल लगानीको आकर्षक गन्तव्य मुुलुक भएकाले ढुक्क भएर लगानी गर्न विदेशी लगानीकर्ताहरुलाई आग्रह गर्नुभएको छ ।
अमेरिकास्थित नेपाली दुतावासमा दुतावास र अन्तराष्ट्रिय वित्त संस्थाको संयुक्त आयोजनामा मंगलबार भएको लगानीकर्ताको सम्मेलनलाई सम्बोधन गर्दे मन्त्री खतिवडाले नेपालमा लगानीका लागि उपयुक्त, बातावरण बनेको बारे अन्तराष्ट्रिय जगतलाई आश्वस्थ तुल्याउनुभएको हो ।

उहाँले स्थिर सरकार गठन भएकाले लगानीको लागि अनुकुल वातावरण बनेको, कानुनले लगानीकर्ताको निजी सम्पत्तिको संरक्षण गर्ने सुनिश्चित गरेको, विदेशी लगानी, कर तथा श्रम काुननहरु लगानी मैत्री रहेको, लगानी बोर्ड मार्फत एकल विन्दु सेवा प्रवाह गर्ने व्यवस्था मिलाईएको, दक्षिण एसियामा नै नेपालको कर्पोरेट करको दर प्रतिस्पर्धात्मक रहेकाले ढुक्क भएर लगानी गर्न सकिने बताउनुभयो । अर्थमन्त्री खतिवडा विश्वबैकको निर्देशक समितिको बैठकमा भाग लिन त्यसतर्फ जानुभएको हो । यसैबीच, विश्व बैकले मंगलबार नै नेपालको वित्तिय क्षेत्र सुधारका लागि करिब ११ अर्ब नेपाली रुपैया सहयोग स्वीकृत गरेको छ ।