लुम्बिनी २१ साउन । प्रहरीले तीन तलाक पीडित मुश्लिम महिला रुपन्देही लुम्बिनी साँस्कृतिक नगरपालिका वडा नं. ५ निवासी सबिना खातुनलाई उद्धार गरेको दुईसाता बित्न नपाउदै दाईजो नल्याएको निहुमा अर्को मुश्लिम महिलालाई घर निकाला गरिएको छ ।

ईलाका प्रहरी कार्यालय लुम्बिनी दिएको जानकारी अनुसार लुम्बिनी साँस्कृतिक नगरपालिका वडा नं. ११ निवासी २६ बर्षीया आफसाना खातुनलाई सासुरा तथा श्रीमान द्वारा घर निकाला गरिएको हो ।

उनीहरुले गरेको माँग बमोजिम दाईजो माईतबाट नल्याउदा श्रीमानअबुशामाले तीन तलाक दिई घरमा ताल्चा लगाई भारतको बिहारमा अर्को बिबाह गरि बाबु अबुहरेरा शेष र आमा बदरुननिशा समेत लाई लिएर उतै बस्न थाले पछि पाँच बर्षीय छोरा सहित अलपत्र परेकी पीडित मुश्लिम महिला आफसानाले बताईन ।

उनले श्रीमान सासु सुसुराको ज्यादतीबाट पीडा सहन नसकी प्रहरी समक्ष उजुरी पेश गरेकी हुदा सम्बन्धित निकाय न्यायका लागि पहल गरिदिन उनले अपील समेत गरेकी छन ।

सो सम्बन्धमा ईलाका प्रहरी कार्यालय लुम्बिनी सहायक प्रहरी निरीक्षक सन्तोष बूढाथोकीले दुबै पक्षलाई बोलाई छलफल गर्दा ससुराले नातीको जन्मदर्ता ,आफसानाको विवाह दर्ता र नागरिकता बनाउन सहमत भई घरलिएर गएको जानकारी गराए ।

यद्यपि लुसाँनपा ११ नं.वडा अध्यक्ष अक्रम मुसलमानले सहमती अनुसार पीडितले प्रमाण सहित आएमा तत्काल प्रक्रिया थाल्ने प्रतिबद्धता जनाएका छन ।