फाइल फोटो
काठमाडौं, ३ साउन। आमरण अनसनरत डा. गोविन्द केसीको उपचार आफ्नो काबुबाहिर गएको कर्णाली स्वाथ्य विज्ञान प्रतिष्ठानले बताएको छ ।
यता सत्तारुढ नेपाल कम्युनिस्ट पार्टीको बुधवार साँझ बैठक बसेर डा. केसीलाई काठमाडौं ल्याउने र उनका मागबारे खुला छलफल गर्ने निर्णय गरेको   छ । चिकित्सा शिक्षा अध्यादेशअनुसार विधेयक ल्याउनु पर्ने लगायतका माग राखेर डा. केसी जुम्लामा अनसनरत छन् ।
वार्ताका लागि बनेको कर्मचारीको टोलीलाई पूर्ण अधिकार नभएको भन्दै डा. केसीका समर्थकले बुधबार नै मन्त्रीस्तरमा मात्र वार्ता गर्ने अडान सार्वजनिक गरेका छन् ।
कर्णाली स्वास्थ्य विज्ञान प्रतिष्ठानले केसीको उपचारमा सीसीयू अनिवार्य भएको बताएपछि बालुवाटारमा आकस्मिक बैठक बसेर डा. केसीको स्वास्थ्य अवस्थाबारे गम्भीर छलफल भएको थियो ।
बैठकले डा. केसीका जीवनरक्षा पहिलो प्राथमिकता भएको भन्दै आज विहिवारनै हेलिकोप्टरबाट काठमाडौं ल्याउन पहल गर्ने निर्णय गरेको छ ।