अछाम, ३० असार । नेपाली काँग्रेसका केन्द्रिय सदस्य धनराज गुरुङले केपी ओली नेतृत्वको सरकारले जनमतको कदर गर्नुपर्ने बताएका छन् ।
शनिवार साँफेबगरमा प्रेस युनियनद्धारा आयोजित पत्रकार सम्मेलनलाई सम्बोधन गर्दै केन्द्रिय सदस्य गुरुङल उक्त कुरा बताएका हुन ।
दुई तिहाई बहुमतद्धारा गठित सरकार मनपरी तन्त्र गर्नको लागि जनताले मत नदिई देश समृद्धिको लागि अगाडी बढाउन मत दिइएको बताए ।
नेपाली काग्रेसले संविधानलाई कार्यन्वयन गर्ने र सरकारले गरेका गलत क्रियाकलापलाई सचेत गराउने बताए । प्रदेश र केन्द्रको चुनावमा काग्रेस पराजय हुनुको कारण ढिला सम्म उम्मेवदारको टुङ्गो नलगाउनु, काग्रेसका ठुला नेताले आफ्नो मन परी ढंगले टिकट वितरण गर्नु, चुनावमा अन्तरघात गर्दा निर्वाचनमा पराजय भएको उनले बताए । डा. गोविन्द केसीसँग विभिन्न पटक सम्झौता भएको भए पनि सरकारले केसिको माग पुरा गर्न नसक्नुमा कुनै एक पार्टी मात्र दोषि नभई काँग्रेस, समेत दोषि रहेको बताएका छन् । अब जे जति कमजोरी गरे पनि आगामी दिनमा सरकार र प्रतिपक्ष मिलेर डा.केसीका माग सम्वोधन गर्न लाग्ने बताए ।