चितवन, २६ असार । चितवन प्रहरीले अपराधीक गतिविधिलाई निस्तेज पार्ने उद्देश्यले गठन गरेको ( थ्री एस अप्रेसन ) थप प्रभावकारी बन्दै गएको छ । अपराधीक तत्वलाई निस्तेज पार्न एसपी शुशील सिंह राठौरले खेलेको भुमिकाले अहिले थप निरन्तरता पाउदै गएको छ ।

समाजलाई स्वच्छ , भयरहित बनाई जनताले बाँच्न पाउने भुमिकालाई मध्ययनजर गर्दै संयुक्तरूपमा गठित सादा पोशाकका प्रहरीले अपराध नियन्त्रणमा एक पछि अर्को सफलता हात पार्दै गएका छन् ।
विभिन्न मुद्दामा लामो समयदेखि फरार रहेका अपराधीलाई पक्राउ गर्नु नै विशेष प्राथमिकतामा राखेका राठौरले फरार ब्यक्तिलाई नियन्त्रणमा लिन थालेका छन् ।

ज्यान मार्ने उद्योग र जवरजस्ती चोरी मुद्दामा संलग्न रहि फरार रहेका भरतपुर महानगरपालिका वर्डा नम्बर १२ बस्ने बर्ष २५ को कान कुहिए भन्ने अनिल परियारलाई सोमबार चितवन प्रहरीको विशेष टोलीले पक्राउ गरेको हो ।
परियारमाथि २०७२ कार्तिक १९ गतेका दिन राती १० बजेको समयमा भरतपुर महानगरपालिका वर्डा नम्बर ९ मा रहेको केन्द्रीय बस टर्मिनलमा निती राई जगत पुन मगरलाई कुटपिट गरि घाइते बनाउनुको साथै झन्डै ५ लाख ८ हजार ५ सय रुपैयाँ बराबरको घनमाल लुटपाट गरेको आरोप लागेको थियो ।

उक्त चोरीमा संलग्न रहेको आरोपमा चितवन प्रहरीको विशेष टोलीले यस अघि नै दुई जनालाई पक्राउ गरि जिल्ला अदालतको आदेशमा आवश्यक कार्वाहीका लागी थुनामा पठाइसकेको थियो ।
आरोपमा संलग्न अर्का एक जना अन्य आरोपित भने हालसम्म फरार रहेकोे र उनको पनि खोजीका लागी प्रहरी कडाइका साथ लागिपरेको चितवन प्रहरीका प्रमुख एसपी राठौरले बताउनुभयो । यसैैबीच, प्रहरीकै विशेष टोलीले केही सार्वजनिक अपराध मुद्दामा संलग्न रहि फरार हुँदै आएका भरतपुर महानगरपालिका वर्डा नम्बर २ क्षेत्रपुर बस्ने बर्ष २२ को शिबु थापालाई समेत पक्राउ गरेको छ । सोमबार पक्राउ परेका उनलाई चितवन जिल्ला प्रशासन समक्ष हाजिरी गराइएको एसपी राठौरले बताउनुभयो ।
राठौरका अनुसार उनीमाथि समाजमा अशान्ति फैलाएको, डरत्रास देखाइ समाजलाई आतंकित पार्नुका साथै भय सृजना गरि गुण्डागर्दी गर्ने गरेको र प्रहरीको फरार सूचिमा रहेका उनिलाई प्रहरीले सोमबार पक्राउ गर्न सफल भएको थियो ।
घट्नामा संलग्न रहेको आरोपमा यसअघि चितवन प्रहरीले नै भरतपुर महानगरपालिका १२ बस्ने बर्ष २८ को चन्द्रे भन्ने राजकुमार लामालाई १५ हजार घरौटी तिराई छुटेकोमा अन्य २ जना भने फरार रहेको र उनीहरुको समेत खोजी कार्यलाई सशक्त रूपमा अघि बढाइएको एसपी राठौर बताउनुहुन्छ ।
कानुनी नजरमा फरार हुन्छु भन्दैमा फरार हुन नसक्ने भन्दै एसपी राठौरले एक न एक दिन कानुनी दायराभित्र आउने नै भएकोले फरार अपराधीलाई सकेसम्म आत्मसम्पर्ण गर्न सुझाव दिनुभएको छ ।