लहान, १४ असार । गाउँमा अस्पताल निर्माणका लागि सिरहाको लक्ष्मीपुर पतारी गाउँपालिका–१ निवासी विन्देश्वर शाहले जग्गादान गरेका छन।
लक्ष्मीपुर पतारी गाउँपालिका–१ रामपुर बजारमा चिया पसल गर्दै आएका शाहले आफ्नो नाममा रहेको गाउँको सम्पूर्ण (सात कट्ठा १० धुर) जग्गा स्वास्थ्य मन्त्रालयको नाउँमा दान गरेका हुन ।
शहरी विकास तथा भवन निर्माण डिभिजन कार्यालयले सुनकोशी कन्सट्रक्सन नेपाल प्रालि काठमाडौं मार्फत अस्पताल भवन निर्माण गर्ने योजना रहे पनि जग्गा अभावमा भवन निर्माण गर्न नसकेको अवस्थामा साहले जग्गा दान दिएपछि अब छिट्टै अस्पताल निर्माण गर्ने वडा नं १ का वडाध्यक्ष मानिकलाल यादवले जानकारी दिएका छन ।
प्रतिक्रिया दिनुहोस्