बेइजिङ, ६ असार । ६ दिने चीन भ्रमणमा रहनु भएको प्रधानमन्त्री केपी शर्मा ओलीसंग एसियन इन्फ्रास्ट्रक्चर इन्भेस्टमेन्ट बैंकका अध्यक्ष जीन लिछुनले भेटवार्ता गर्नु भएको छ ।
चीन भ्रमणका दोस्रो दिन प्रधानमन्त्री ओलीसंगको भेटमा बैंकका अध्यक्ष जीन लिछुनले नेपालमा लगानी भित्र्याउने विषयमा छलफल गर्नुभएको छ ।
भेटमा प्रधानमन्त्री ओलीले नेपाल लगानीको लागि उपयुक्त गन्तब्य भएको भन्दै एसियन इन्फ्रास्ट्रक्चर इन्भेस्टमेन्ट बैंकलाई लगानीको लागि नेपाल आउनका लागि आग्रह गर्नु भएको थियो । छलफलमा केरुङ–काठमाडौं रेलमार्ग निर्माणमा लगानी गर्ने विषयमा समेत छलफल भएको छ ।
बैकका अध्यक्ष लिस्वानले आफुहरु नेपालको सहयोगमा सधै साथ र सहयोग रहने भन्दै लगानीको लागि तयार रहेको बताउनु भएको थियो ।
प्रतिक्रिया दिनुहोस्