चितवन , २९ जेठ । पुर्वप्रधानमन्त्री एवम् नेकपा का अध्यक्ष पुष्पकमल दाहाल ‘प्रचण्ड’ले गल्ती गर्ने जो कोही ठेकदारलाई कारबाही हुने बताएका छन् ।

चितवनको भरतपुरमा आयोजित पत्रकार सम्मेलनमा बोल्दै प्रचण्डले लापरबाही गर्ने ठेकदारलाई सरकारले कारबाही गर्ने र राम्रो गर्नेलाई प्रोत्साहन गर्ने बताए । उनले ठेकदाहरुले समयमा गुणस्तरिय काम गर्नुपर्ने भन्दै आफु बसेको घरबेटीले पनि गल्ती गरेको भए कारबाही हुने प्रष्ट पारे ।

त्यस्तै उनले बिगतमा बजेट ल्याउदा जनताको सेन्टीमेन्ट अनुसार ल्याउने गरिएको तर अहिलको बजेट अर्थतन्त्रलाई सन्तुलनमा ल्याउने गरि ल्याएको दाबी गरे ।

पहिला ८–९ महिनामात्रै सरकार टिक्ने गरेकोले जनताको मन लोभ्याउने गरि बजेट ल्याउने गरेको तर अहिले सरकार ५ बर्ष चल्ने सरकार भएकाले राष्ट्रिय अर्थतन्त्रमा सुधार ल्याउने सिद्धान्त अनुसार बजेट आएको प्रचण्डले बताए । त्यस्तै उनले कार्यकारी प्रमुखको बिषय अहिलेको एजेण्डा नभएको भन्दैे आजको आवश्यकता सुशासन , विकास र समृद्धी भएको बताए ।