बुटवल, २२ जेठ ।
“अस्पतालमा बिरामी भेट्न जांदा फलफुल होईन नगद दिएर बिरामी भेटौ” भन्ने अभियानका सामाजिक अभियन्ता मुक्तिराज पौडेलले अफ्नो अभियानलाई परिमाजैन गरेकाछन् । बिरामीले सिधै नगद लिन नमानेपछि उनले आफ्नो अभियानलाई परिमार्जन गरेकाहुन् । नयां अभियान अन्तर्गत अव बिरामी भेटन जांदा स्वास्थ्यलाभको शुभकामना कार्ड बिरामीलाई हस्तान्तरण गर्ने र कार्डबाट अस्पतालले बिरामीलाई छुट दिने ब्यवस्था मिलाईएको छ ।
आफ्नो जन्मदिन पारेर पौडेलले अस्पतालमा भर्ना भएका बिरामीको सहयोगार्थ स्वास्थ्य लाभ कार्डको नयां अभियान सुरु गरेकाछन् । पौडेलले आफन्त तथा शुभेच्छुक बिरामी हुदा फलफुल लिएर भेट्न जाने क्रममा फलफुल कतिपय बिरामीको अवस्थाले खान नहुने र कतिपय अवस्थामा बढी भएर खेर जाने गरेको भन्दै त्यसको सट्टा खामबन्दी नगद दिने अभियान सुरु गरेका थिए । परिमार्जित अभियानमा अव बिरामी भेट्न अस्पताल जांदा अस्पतालको काउण्टरमा २ सय ५० मुल्यको स्वास्थ्य लाभको कार्ड पाईने छ , कार्ड लिएर बिरामीलाई हस्तान्तरण गरिए पछि सोहि कार्डका आधारमा बिरामी डिस्चार्ज हुंदा अस्पतालले बिलमा २ सय ५० बिलमा छुट दिने ब्यवस्था मिलाईएको छ ।
नगद दिंदा कतिपय बिरामी र बिरामीका आफन्तले आफुलाई होंच्याएको महसुस गरेका कारण नयां अभियानको थालनि गरिएको अभियन्ता पौडेल बताउछन् ।
पौडेलले पहिलो दिन बुटवल हस्पिटल प्रालिमा उपचारका लागि भर्ना भएका र आएका ५० बिरामीलाई स्वास्थ्य लाभ कार्ड बितरण गर्दै अभियानको थालनी गरेका थिए । तत्कालका लागि बुटवल हस्पिटल प्रालिमा स्वास्थ्य लाभ कार्डको व्यवस्था गरेको र निकट भबिष्यमा यस क्षेत्रका अन्य अस्पतालहरुमा पनि स्वास्थ्य लाभ कार्डको व्यवस्था गर्ने पौडेलले बताए । उनले आफनो नगद सहित स्वास्थ्य लाभ कार्डको अभियानमा सहयोग गर्न सबैलाई आग्रह समेत गरेकाछन् । बिरामी भेटन जादा फलफुल लिएर जानु भन्दा स्वास्थ्य लाभ कार्ड मार्फत नगद सहयोग गर्दा त्यो रकमको सदुपयोग हुने र बिरामीलाई पनि थोरै भएपनि राहत हुने पौडेलको भनाई छ ।
पौडेलको अभियानलाई सकारात्मक भन्दै बुटवल अस्पताल प्रालि अभियानको प्रारम्भ गरिदिएको छ । अस्पतालका अध्यक्ष चुन्नु प्रसाद पौडेलले केही गर्नुपर्छ भन्ने सोच भएका श्रृजनसिल पौडेलले सुरु गरेको स्वास्थ्यलाभ कार्ड अभियान सकारात्मक र स्वागतयोग्य भएको बताए ।
समाजमा अनुत्पादक हुंदै गएको कतिपय चलनचल्तीलाई परिवर्तन गर्न केहि कठीन भएपनि असम्भव भने छैन । परिवर्तन गरि आएका नयां चलन आत्मसाथ गर्न पनि समाजलाई सजिलो भने हुंदैन तर राम्रो काममा सबैले सघाउ पु¥याउंदा सबैलाई फाईदा नै हुन्छ ।