काठमाडौं, ९ जेठ । फिल्मलाई हिट बनाउन बलिउडले आईटम गीतलाई फर्मुलाको रुपमा प्रयोग गर्दै आएको छ । सुपरस्टारको चलचित्रमा पनि आईटम गीतलाई समावेश गरिएको हुन्छ, यसले पनि निर्माताले आईटम गीतलाई प्राथमिकता दिन्छन् भन्ने पुष्टि गर्छ । बलिउडका नाम चलेका हिरोईनहरुले पनि आईटम गीतमा नाचेका छन् । अहिलको हटकेक दिपीका पादुकोण, प्रियंका चोपडादेखि सनि लियोनसम्मले आईटम सङ्गमा कम्मर मर्काएका छन् । उनीहरुले एउटा गीतमा नाचेबापत कति लिन्छन् ? प्रस्तुत छ बलिउडका सात महँगा आईटम गर्ल र उनीहरुले लिने पारिश्रिमको

सनी लियोनः ४ करोडदेखि ५ करोड

आइटम सङ्गसमा सनी लियोनको सबैभन्दा बढी माग छ । उनले शाहरुख खानजस्ता सुपरस्टारको चलचित्र ‘रईस’ मा पनि आइटम सङ्गस गरिसकेकी छन् । उनले एउटा आइटम सङ्गसका लागि ४ देखि ५ करोड भारतीय मुद्रासम्म लिने गरेकी छन् । सनी लियोनमा फिल्माइएका आइटम सङ्गस निकै चर्चितसमेत हुने गरेका छन् ।

प्रियंका चोपडाः ३ देखि ४ करोड

प्रियंका चोपडाले ‘राम जाने’जस्ता चर्चित आइटम सङ्गस गरिसकेकी छन् । उनी एउटा सङ्गसका लागि ३ देखि ४ करोड भारतीय रुपैयाँसम्म लिने गर्दछिन् । अर्को कुरा उनी ए ग्रेडको चलचित्रका आइटम सङ्गस मात्रै गर्न रुचाउँछिन्।

कैटरिना कैफः ३ करोड रुपैयाँ

कैटरिना कैफले चिकनी चमेली र शीलाकी जवानीजस्ता आइटम सङ्गस गरिसकेकी छन् । उनी एउटा आइटम सङ्गसका लागि करिब ३ करोड भारतीय रुपैयाँसम्म लिने गर्दछिन् । उनी सम्बन्धका आधारमा मात्र आइटम सङ्गस गर्ने गर्दछिन् ।

दीपिका पादुकोणः ३ करोड

कैटरिनाले जस्तै दीपिका पादुकोणले पनि आफ्ना मित्र निर्माता निर्देशक वा हिरोका लागि मात्रै आइटम सङ्गस गर्ने गर्दछिन् । उनले एउटा आइटम सङ्गसका लागि ३ करोड भारतीय रुपैयाँ लिने गरेकी छन्।

जैकलिन फर्नान्डिजः २ करोड रुपैयाँ

बागी २ मा जैकलिन फर्नान्डिजले ‘एक दो तीन’ आइटम सङ्गस गरेकी थिइन् जुन खासै मन पराइएन । उनी एउटा आइटम सङ्गसका लागि दुई करोड भारतीय रुपैयाँ लिने गर्दछिन् ।

मलाइका अरोराः २ करोड रुपैयाँ

मलाइका अरोरा अब आइटम सङ्गसमा रुची लिन छाडेकी छन् । त्यसो त उनको मूल्य एउटा आइटम सङ्गसका लागि २ करोड भारतीय रुपैयाँ हो ।

उर्वशी रौटेलाः ५० लाख रुपैयाँ

उर्वशी रौटेलामाथि फिल्माइएको आइटम सङ्गस ‘सारा जमाना’ निकै हिट रह्यो । उर्वशीले एउटा सङ्गसका लागि ५० लाख भारतीय रुपैयाँ लिने गरेकी छन् ।

(उल्लेखित रकम भारतीय मुद्रा हो)

एजेन्सी