काठमाडौँ, २५ चैत्र । जिल्ला अदालतले तेस्रोपटक थपेको ५ दिने म्याद र आइन्दा म्याद नथप्ने सर्वोच्चको अस्तिको परमादेशवीच पूर्व प्रधानमन्त्री केपी ओली र तत्कालीन गृहमन्त्री रमेश लेखक आजै छुट्ने सम्भावना देखा परेको छ ।

काठमाण्डौ प्रहरी र जिल्ला सरकारी वकिल कार्यालयले गौरीबहादुर कार्की प्रतिवेदनका आधारमा जेनजी आन्दोलनको दोषी देखाएर ज्यान मुध्दा चलाउने कानुनी आधार नदेखिएको र यदि जबर्जस्ती मुध्दा लगिए त्यसले मुलुकको सुरक्षा ब्यवस्था चौपट हुने अडान राखेपछि यसवारे नवनियुक्त महान्यायाधिवक्ता डा।नारायण कँडेलसङ्ग छलफल गर्नुपरेको थियो ।

उनले जे त पर्ला,माथिको आदेश हो मुध्दा लानैपर्छ भनेतापनि कुरा नमिलेपछि चैत १४ देखि प्रहरी हिरासतमा रहेका एमाले र काङ्ग्रेसका यी दुई ठूला नेता सम्भवतः आजै तत्कालीन प्रमुख जिल्ला अधिकारी छविलाल रिजालजस्तै हाजिर जमानीमा छुट्न लागेको महान्यायाधिवक्ता कार्यालयस्थित उच्च श्रोतले एबीसी न्यूजलाई बतायो ।