काठमाडौँ, २७ जेठ । नेकपा (एमाले) संसदीय दलका नेता रामबहादुर थापा बादलले प्रधानमन्त्री वालेन्द्र शाह (बालेन)को अभिव्यक्तिको सन्देश के हो भनि सोधेका छन् ।

बुधबारको प्रतिनिधिसभा बैठकमा उनले नेपालले भारतको भूमि मिचेको रहेछ भन्ने अभिव्यक्तिले संकट उत्पन्न भएको बताए । “राजनीतिक रूपमा सन्देश के हो ? राष्ट्रिय आत्मसमर्पण हो कि ? राष्ट्र स्वाभिमान हो ? प्रश्न संकटको रूपमा उपस्थित भएको छ,” उनले भने ।

उनले यो संकटको समाधान प्रधानमन्त्रीको हातमा रहेको बताए ।प्रधानमन्त्रीले बोली नसच्याउने, सभामुखले रूलिङ नगर्दा र रास्वपाका सभापतिले आफ्नो बोली सच्याउन नभनेसम्म संकट समाधान नहुने बताए ।
गल्ती नसच्चाएसम्म संघर्ष जारी राख्नुपर्ने बताए । “प्रधानमन्त्रीको राष्ट्रविरोधी अभिव्यक्ति संसद्को रेर्कबाट हटाउनुपर्छ । त्यो नहटाउँदासम्म संसद्को कारबाही अघि बढ्न सक्दैन,” उनले भने । उनले देशको स्वाधिनता मुख्य विषय भएको बताए ।