काठमाडौं । इरानका सर्वोच्च नेता अलि खामेनी अमेरिकी–इजरायली संयुक्त आक्रमणमा मारिएको इरानी सञ्चारमाध्यमहरूले जनाएका छन्।

ताश्मिन समाचार एजेन्सीका अनुसार उक्त आक्रमणमा खामेनीसँगै उनकी छोरी, ज्वाइँ, नातिनी र बुहारी पनि मारिएका छन्।

शनिबार अमेरिका र इजरायलले इरानका विभिन्न सहरमा संयुक्त हवाई आक्रमण गरेका थिए। सोही क्रममा तेहरानस्थित खामेनीको निवास पूर्ण रूपमा ध्वस्त भएको बताइएको छ।

यसअघि अमेरिकी राष्ट्रपति डोनाल्ड ट्रम्प ले खामेनीको मृत्यु भएको दाबी गर्दै इरानी नागरिकलाई सरकार आफ्नो नियन्त्रणमा लिन आह्वान गरेका थिए।

इरानी सरकारले औपचारिक रूपमा उनको मृत्युबारे पुष्टि गर्दै ४० दिनको शोक घोषणा गरेको छ ।

यसैबीच, अमेरिकी समाचार संस्था सीएननसँग कुरा गर्दै इजरायली अधिकारीहरूले भग्नावशेषबाट बरामद गरिएको शव खामेनीकै भएको बताएका छन् ।

घटनाले मध्यपूर्व क्षेत्रमा तनाव झन् चर्किएको छ भने सम्भावित क्षेत्रीय युद्धको जोखिम बढेको विश्लेषण गरिएको छ।
अमेरिकाले इजरायलको सहयोगमा इरानी सत्ता परिवर्तनका लागि युद्धको घोषणा गरेको छ ।