बुटवल, २४ चैत्र ।
नेकपा एमालेका उप महासचिव बिष्णु पौडेलले लाखौको उपस्थितीमा एमाले र माओबादीको एकताको घोषणा गर्ने तयारी भै रहेको बताउनुभएको छ ।
प्रेस चौतारी रुपन्देहीले आज बुटवलमा आयोजना गरेको पत्रकार सम्मेलनमा बोल्दै उप महासचिव पौडेलले एकताका अधिकांस कुरा मिली सकेको र केहि झिना मसिना कुराले एकतामा बाधा नपुग्ने बताउनुभयो । एकता सभामा इतिहासमै ठुलो जनताको उपस्थिती हुने पौडेलले दाबी समेत गर्नुभयो ।
माओबादी नेताहरुले ५०–५० प्रतिशतको आधारमा एकता गर्नुपर्ने तर्क गरिरहेका बेला एमाले उप महासचिव पौडेलले भने समानताका आधारमा एकता हुने भन्दै योगदान, क्षमता र सक्रियतालाई आधार बनाउंदा माओबादीको ६० र एमालेको ४० प्रतिशत पनि पर्न सक्ने स्पष्ट पार्नुभयो । पारस्परिक सम्मान र समानताका साथ एकता हुने कुरामा बिबाद नरहेको बताउंदै पौडेलले बजारमा चलेको हल्लाले एकता कमजोर नभएको जिकीर गर्नुभयो ।
संघीय संसदमा रुपन्देहीका सांसद समेत रहनुभएका नेता पौडेलले प्रतिपक्ष दल कांग्रेसले उठाउने एजेण्डा नपाएपछि दुईतिहाई दिए सरकार निरंकुश बन्ने तर्क गरिरहेको आरोप लगाउनुभयो । अहिलेको नेतृत्व लोकत्नत्रलाई किस्तीमा राखेर दरबारमा बुझाउने खालको नभएको पौडेलको ब्य¨े थियो ।
पत्रकारहरुको प्रश्नको जवाफ दिंदै पौडेलले चिन भ्रमणको निधो भई नसकेको जानकारी दिनुभयो । भारत भ्रमण चलिरहेका बेला चिन भ्रमणको चर्चा गर्नु आवश्यक नभएको उहांको भनाई छ ।