लेबनानी प्रधानमन्त्री नवाफ सलामले शनिबार इजरायली आक्रमणबाट ध्वस्त भएका दुई दक्षिणी गाउँहरू यारिन र तायर हर्फामा सरकारी नेतृत्वमा पुनर्निर्माण परियोजनाहरू शुरु गर्ने घोषणा गर्नुभएको छ । दक्षिणको भ्रमणका क्रममा सलामले सरकारी समाचार एजेन्सीका अनुसार पुनर्निर्माणलाई पुनःप्राप्तिको आधारको रूपमा कार्यान्वयन गर्न शुरु गरिएको बताउनु भयो । दक्षिणी लेबनानलाई राष्ट्रिय कारणको रूपमा वर्णन गर्दै सलामले पूर्वाधार निर्माण र आधारभूत सेवाहरूको पुनस्र्थापना स्थिरता र बासिन्दाहरूलाई उनीहरूको समुदायमा रहन सक्षम बनाउन आवश्यक रहेको बताउनु भयो । उहाँले रिकभरी फ्रेमवर्कको रूपरेखा प्रश्तुत गर्नुभयो जसमा नगद सहयोग, निःशुल्क स्वास्थ्य सेवा र विस्थापित विद्यार्थीको लागि निरन्तर शिक्षाको ग्यारेन्टी समावेश छ । सरकारले गाउँहरूमा राम्रो अवस्थाको लागि सार्वजनिक पूर्वाधार र राज्यको स्वामित्वमा रहेका सम्पतीहरू पुनर्निर्माणमा पनि ध्यान दिनेछ ।
सलामले स्थिरता कायम राख्न लेबनानी सेनाको भूमिकाको पनि प्रशंसा गर्नुभयो । नोभेम्बर २७, २०२४ देखि हिजबुल्लाह र इजरायलबीच युद्धविराम लागू भएपनि इजरायली सेनाले हिजबुल्लाहको खतरा हटाउने दाबी गर्दै लेबनानमा बारम्बार आक्रमण गर्दै आएको छ ।