सिन्धुली । नेपाली कांग्रेसको महासमिति सदस्यमा सर्वाधिक मतका साथ विजयी कृष्णमुरारी गुरुङको प्रत्यक्ष निर्वाचतका लागि सिन्धुलीको क्षेत्र नं. १ बाट नाम सिफारिस भएको छ ।

फागुन २१ गते हुने प्रतिनिधिसभा निर्वाृचनका लागि युवा नेता गुरुङको नाम सिफारिस भएको हो ।

फोस्रा राजनीति मात्र नभएर समाजसेवामा सक्रिय गुरुङ सिन्धुली निर्वाचन क्षेत्र नं. १ मा लोकप्रिय युवा नेता हुन् । खेलकुद क्षेत्रमा समेत सक्रिय उनलाई निर्वाचनमा उम्मेदवार बनाउनुपर्नेमा यो क्षेत्रका स्थानीय मतदाताहरुको माग समेत रहेको छ ।

उनीसँगै क्षेत्र नम्बर १ र २ बाट सिफारिस भइ आएका र जिल्ला कार्य समितीमा निबेदन परेका नामावलीलाई जिल्ला कार्यसमितीको बैठकले निर्णय गरि सिफारिस गरिएको जिल्ला कार्यसमितिका सभापती उपेन्द्र कुमार पोखरेलले बताएका छन् ।

सिन्धुली निर्वाचन क्षेत्र नम्बर १ बाट प्रतिनिधिसभातर्फ प्रत्यक्षमा १२ जनाको नाम सिफारिस भएको छ । कृष्णमुरारी गुरुङसहित श्यामकुमार घिमिरे, उज्ज्वल प्रसाद बराल, मोहन प्रसाद बराल, प्रेम चन्द्र दाहाल, बिश्वनाथ कोईराला, शम्भु राउत, प्रेम प्रसाद भट्टराई, ध्रुबप्रसाद पहाडी, दिनेश प्रसाद अधिकारी, खिला कुमारी दाहाल (लक्ष्मी), अन्जनी कोइरालाको नाम सिफारिस भएको छ ।

समानुपातिकतर्फ गङ्गा दाहाल, इन्दिरा निरौला, भद्रीमाया मगर र चेतप्रसाद भट्टराईको नाम सिफारिस भएको हो । त्यस्तै राष्ट्रिय सभा सदस्यतर्फ भने बिनोद कुमार गुरुङको एकल नाम सिफारिस भएको छ ।

सिन्धुली क्षेत्र नम्बर २ बाट प्रतिनिधि सभा प्रत्यक्षतर्फ सुशिला थिङ्ग, खड्ग बहादुर वाइबा, डम्बर बहादुर कार्की र असिम जंग थापाको नाम सिफारिस भएको छ ।

समानुपातितर्फ दिपशिखा शर्मा ढकाल, बाबुराम भट्टराई, बिजुला बर्मा, जनक बहादुर तोलाङ्गे, श्रीचन चौधरी, नरेन्द्र जंग थापा र श्यामकाजी श्रेष्ठको नाम सिफारिस भएको छ ।