काठमाडौं, ५ असोज । अमेरिकी नयाँ एच–१बी भिसा शुल्कले ‘जटिल मानवीय परिणाम’ ल्याउने भारतको चेतावनी
अमेरिकी राष्ट्रपति डोनाल्ट ट्रम्प (दायाँ) र भारतीय प्रधानमन्त्री नरेन्द्र मोदी ९बायाँ० । फाइल तस्बिर स् एजेन्सी ।

काठमाडौं । भारतले अमेरिकी दक्ष कामदार भिसा ९एच–१बी०का निम्ति आवेदन दिनेहरूलाई लाग्ने नयाँ एक लाख डलर शुल्कले जटिल मानवीय परिणाम ल्याउने चेतावनी दिएको छ ।

अमेरिकी राष्ट्रपति डोनाल्ड ट्रम्पले एच–१बी भिसा आवेदनका निम्ति नयाँ शुल्क लगाउने कार्यकारी आदेश शुक्रबार जारी गरेका थिए । यो शुल्क हालको भन्दा ६० गुणाभन्दा बढी हो । यही सेप्टेम्बर २१ देखि यो कार्यान्वयनमा ल्याइनेछ ।

यो कार्यक्रमअन्तर्गत जारी हुने दक्ष भिसामध्ये ७० प्रतिशतभन्दा बढी भारतीय कामदारले प्राप्त गर्ने गरेका छन् । केही अमेरिकी प्रविधि कम्पनीले आफ्ना एच–१बी भिसा भएका कर्मचारीलाई अमेरिकाभित्रै बस्न वा विदेशमा भए तुरुन्त फर्कन सल्लाह दिएका जनाइएको छ ।

यद्यपि, शनिबार ह्वाइट हाउसले नयाँ शुल्क हालका भिसा वा नवीकरण आवेदनमा लागु नहुने स्पष्ट पारेको थियो ।

भारतको परराष्ट्र मन्त्रालयले शनिबार विज्ञप्ति जारी गर्दै उक्त शुल्कले ‘परिवारहरूमा उत्पन्न हुने व्यवधानका कारण’ गम्भीर मानवीय परिणाम ल्याउने जनाएको छ । भारत सरकारले यी व्यवधानलाई अमेरिकी अधिकारीले उपयुक्त रूपमा सम्बोधन गर्ने अपेक्षा गरेको छ ।

विज्ञप्तिमा दक्ष कामदारको आदानप्रदानले दुवै राष्ट्रलाई ‘अत्यधिक योगदान’ पुर्‍याएको उल्लेख छ । साथै, ‘यसैले नीति निर्माताले दुई देशबीचको बलियो जनसम्बन्धसहित आपसी लाभलाई ध्यानमा राखेर हालैका कदमको मूल्यांकन गर्नेछन्’ भनिएको छ ।

भारत सरकारको सम्भावित प्रतिक्रियाबारे भने विज्ञप्तिमा कुनै विशेष विवरण दिइएको छैन ।

ट्रम्पले गएको महिना रुसी तेल खरिदका कारण भारतमाथि दण्डनात्मक शुल्क लगाएपछि दुई देशबीच तनावपूर्ण व्यापार वार्ता चलिरहेको छ । अमेरिकी व्यापार प्रतिनिधि कार्यालयका अनुसार, सन् २०२४ मा अमेरिकाले भारतमा ४१।५ अर्ब डलरबराबरको सामान निर्यात गरेको थियो । भारतबाट दोब्बरभन्दा बढी अर्थात् ८७।३ अर्ब डलरबराबरको सामान आयात गरेको थियो ।