काठमाडौ ३ साउन । अमेरिकाका राष्ट्रपति डोनाल्ड ट्रम्प नसाको रोगबाट पीडित छन्। यो जानकारी ह्वाइट हाउसले बिहीबार दिएको हो। राष्ट्रपति ट्रम्पको रोगलाई ुक्रोनिक भेनस इन्सफिसिएन्सीु भनिन्छ।

केही तस्बिरमा ट्रम्पको हातमा एउटा निसान देखिएको छ र यस विषयमा ह्वाइट हाउसका प्रवक्तालाई सोधिएको थियो।

ह्वाइट हाउसका प्रेस सचिव कोरलाइन लेभिटका अनुसार, ट्रम्पले हालै आफ्नो खुट्टा सुन्निएको गुनासो गरेपछि उनको स्वास्थ्यको जाँच गरिएको थियो, जसमा नसाको परीक्षण पनि गरियो।

लेभिटले भनिन्, ‘हात मिलाउँदा छालामा क्षति हुनु सामान्य हो, विशेष गरी उहाँले लिइरहेको एस्पिरिन सामान्यतया मुटुको रोगबाट बच्न लिइन्छ।’

७९ वर्षीय ट्रम्पले निरन्तर आफ्नो स्वास्थ्य राम्रो रहेको बताइरहेका छन्। यस क्रममा उनले एकपटक आफूलाई ‘सबैभन्दा स्वस्थ राष्ट्रपति’ समेत भनेका छन्।

लेभिटका अनुसार उनमा ुगहिरो नसा थ्रोम्बोसिस वा धमनी रोगुको कुनै प्रमाण फेला परेको छैन र सबै परीक्षण रिपोर्ट ‘सामान्य सीमाभित्र’ छन्।

ह्वाइट हाउसका चिकित्सक सिन बार्बाबेल्लाले जारी गरेको नोटअनुसार, ‘विशेष गरी ७० वर्षभन्दा माथिका मानिसका लागि यो अवस्था सामान्य र हानिरहित हो।’

यसअनुसार, थप परीक्षणमा ट्रम्पमा ुमुटुको कमजोरी, मिर्गौलाको कार्यमा कमी वा अन्य कुनै रोगुका लक्षण देखिएन।

डा। बार्बाबेल्लाले आफ्नो नोटमा लेभिटको पहिलेको ब्रिफिङले पनि यो कुरा पुष्टि गर्ने उल्लेख गरेका छन्।

उनले लेखेका छन्, ‘समग्रमा ट्रम्पको स्वास्थ्य धेरै राम्रो छ।’

ुक्रोनिक भेनस इन्सफिसिएन्सीुमा खुट्टाका नसा मुटुमा रगत पम्प गर्न असमर्थ हुन्छन्, जसका कारण खुट्टाको तल्लो भागमा रगत जम्मा हुन थाल्छ र सुन्निन्छ।

टेक्सस विश्वविद्यालय, अस्टिनका भास्कुलर सर्जरीका सहायक प्राध्यापक डा। मेरिल लोगानले बीबीसीसँग भनेका छन्, ‘नसा र तिनका भल्भले रगतलाई माथितिर धकेल्छन् ताकि यो मुटुमा फिर्ता जान सकोस्।’

खुट्टाबाट मुटुतिर बग्ने रगत गुरुत्वाकर्षणको विपरीत हुन्छ, जसले गर्दा यो प्रक्रिया अझ गाह्रो हुन्छ।

उनले भने, ‘क्रोनिक भेनस इन्सफिसिएन्सी त्यतिबेला हुन्छ, जतिबेला नसा र तिनका भल्भले राम्ररी काम गर्दैन र रगत खुट्टातिर फर्कन थाल्छ।’

सुन्निएका खुट्टा, हातमा निलो निसान

जुलाई १३ मा न्यु जर्सीमा भएको फिफा क्लब विश्वकप फाइनलका क्रममा फोटोग्राफरहरूले ट्रम्पको सुन्निएको खुट्टाको तस्बिर खिचे।

केही दिनपछि ह्वाइट हाउसमा बहराइनका प्रधानमन्त्री सलमान बिन हमद बिन इसा अल(खलिफासँग भेटका क्रममा खिचिएका तस्बिरमा उनको हातमा निलो निसान देखियो।

फेब्रुअरीको सुरुमा फ्रान्सेली राष्ट्रपति इमानुएल म्याक्रोनसँगको भेटका क्रममा ट्रम्पको हातमा रहेको निसान फेरि क्यामेरामा कैद भयो।

ट्रम्पको सुन्निएको खुट्टा र निलो निसानले उनी कुनै रोगबाट पीडित हुन सक्छन् तर त्यो सार्वजनिक गरिएको छैन भन्ने अनुमान गरियो।

अप्रिलमा वार्षिक स्वास्थ्य जाँचपछि डा। बारबाबेलाले लेखे, ‘ट्रम्प मानसिक र शारीरिक रूपमा स्वस्थ छन्।’

जनवरीमा ट्रम्पले दोस्रो कार्यकालका लागि शपथ खाँदा उनी ७८ वर्ष ७ महिनाका थिए। यसरी उनी अमेरिकाको इतिहासमा सबैभन्दा वृद्ध राष्ट्रपति बने।

क्रोनिक भेनस इन्सफिसिएन्सीुबारे के भन्छन् डाक्टररु
डाक्टरहरूले बीबीसीसँग क्रोनिक भेनस इन्सफिसिएन्सीको गम्भीरताका विषयमा आफूहरू चिकित्सक बार्बाबेल्लाको मूल्यांकनसँग सहमत रहेको बताएका छन्।

वेक फरेस्ट विश्वविद्यालयको भास्कुलर सर्जरी विभागका अध्यक्ष डा। म्याथ्यु एडवर्ड्स भन्छन्, ‘यो केही गम्भीर अवस्थासँग सम्बन्धित हुन सक्छ, तर यो आफैँमा गम्भीर रोग होइन, एकदमै सामान्य हो।’

उनले थपे, ‘उनको उमेरका १० देखि ३५ प्रतिशत मानिसलाई यो अवस्था हुन सक्छ।’

विज्ञहरूका अनुसार अन्य जोखिममा अधिक तौल, रगत जम्ने समस्या र लामो समयसम्म उभिनुपर्ने काम हुन्।

अवस्था व्यवस्थापन गर्न चिकित्सकीय रूपमा डिजाइन गरिएको कम्प्रेसन मोजा लगाउन सिफारिस गरिन्छ र विशेषज्ञहरूले रातमा आफ्नो खुट्टा माथि राख्न पनि सुझाव दिन्छन्।

‘म मेरा बिरामीलाई दैनिक आफ्नो खुट्टा र खुट्टामा राम्रो क्रिम लगाउन र मोटोपनाजस्ता अन्य सम्भावित जोखिमबाट बच्न भन्छु’, डा। लोगानले भने।

हातमा निलो निसान

क्रोनिक भेनस इन्सफिसिएन्सीले शरीरको तल्लो भागलाई मात्र असर गर्छ, त्यसैले राष्ट्रपति ट्रम्पको हातमा देखिएको निलो निसान र यस रोगबीच कुनै सम्बन्ध छैन।

पछिल्ला दिनमा उनको निसानबारे धेरै अनुमान गरिएका छन्।

ट्रम्पका डाक्टरले हातमा रहेका निसान हात मिलाउने र एस्पिरिन लिने कारण देखिएको बताएका छन्।

एस्पिरिन एक औषधि हो, जसले हृदयाघात, रगत जम्ने र स्ट्रोकलाई रोक्न मद्दत गर्छ।

डा। एडवर्ड्स ट्रम्पको उमेर र एस्पिरिन सेवन निसानका लागि जिम्मेवार हुन सक्ने ह्वाइट हाउसका डाक्टरका कुरासँग सहमत छन्।

उनी भन्छन्, ‘हामी उमेर बढ्दै जाँदा हाम्रो शरीरमा नीला निसान देखिने सम्भावना पनि बढ्दै जान्छ, विशेष गरी एस्पिरिन वा अन्य रगत पातलो पार्ने औषधि लिनेहरूमा।’

डा। एडवर्ड्सले थपे, ूयदि कसैले तपाईंको हातलाई जोडले थिच्यो भने निसाना देखिन सक्छ, मलाई लाग्छ( यस्तो हुन सक्छ।ू

‘त्यो एकदमै बलियोसँग हात मिलाएको हुनुपर्छ।’