काठमाडौ ३२ असार । चितवनको भरतपुर सिमलतालबाट भारतीय नम्बर प्लेटको ट्रक त्रिशूली नदी किनारमा खसेको छ ।
नारायणगढ–मुग्लिङ सडक खण्डअन्तर्गत भरतपुर–२९ सिमलतालबाट गएराति एउटा मिनी ट्रक त्रिशूली नदी किनारमा खसेको जिल्ला प्रहरी कार्यालय चितवनले जनाएको छ ।
मेवा बोकेर काठमाण्डौका लागि छुटेको यूपी ३२ जेड एन ७८८३ नम्बरको ट्रक त्रिशूली नदी किनारमा खसेको हो ।
दुर्घटनामा ट्रकका चालक भारतको लखनउका २१ वर्षीय आशिक यादव र सहचालक २० वर्षीय उत्तर सिंह सामान्य घाइते भएका छन् । उनीहरूको भरतपुर अस्पतालमा उपचार भइरहेको छ ।
अघिल्लो वर्ष असार २८ गते चितवनको सिमलतालबाट दुई वटा बस पहिरोसँगै त्रिशूलीमा खसेका थिए । ती दुई बसमा ६२ जना यात्रु थिए । तीमध्ये ३९ जना यात्रु अझै भेटिएका छैनन् ।
प्रतिक्रिया दिनुहोस्