काठमाडौं । नेकपा माओवादी केन्द्रका उपाध्यक्ष तथा पूर्व उपप्रधानमन्त्री नारायणकाजी श्रेष्ठले पूर्व राष्ट्रपति विद्या देवी भण्डारी एमालेमा सक्रिय हुने कदमलाई स्वागत गरेका छन् ।
राष्ट्रपति भैसकेको व्यक्ति पुनः सक्रिय राजनीतिमा फर्कने वा नफर्कने भन्ने नितान्त व्यक्तिगत रोजाई कुरा भएको भन्दै श्रेष्ठले विद्या भण्डारीले वाम आन्दोलनको एकीकरणमा भूमिका खेल्न सक्ने बताएका छन् ।
एबीसी टेलिभिजनका प्रधानसम्पादक शुभशंकर कँडेलसँगको भिडियो वार्तामा श्रेष्ठले कम्युनिष्टहरुले एकथरि व्यवहार गर्ने र नीति अर्कै लिने ढोंगी प्रवृत्ति रहेको स्वीकारेका छन् ।
भौतिकवाद र अध्यात्मका बारेमा उनको आफ्नै जीवन चर्याबारे उनले भने म आशोको शिष्य त होइन, तर ओशोका कतिपय विचारबाट प्रभावित छु ।
श्रेष्ठ ओशो तपोवनमा गएर गरेको नृत्य र ध्यान सोसल साइटहरुमा चर्चामा रहेको छ। समग्र स्वास्थ्यका लागि योग र ध्यान महत्वपूर्ण रहको उनले थप स्पष्ट गरेका छन् ।
आफ्नै पार्टी माओवादीले लिएको नीति र व्यवहारबारे चर्को असन्तुष्ट सुनिएका श्रेष्ठले पार्टी जिवनका विविध आयमबारे विस्तृत कुरा गरेका छन् ।