काठमाडौ १७ असार । प्रतिनिधिसभाअन्तर्गतको राज्य व्यवस्था तथा सुशासन समितिका सभापति रामहरि खतिवडाले कुलिङ पिरियडु को सम्बन्धमा समितिले पारित गरेको व्यवस्थाभन्दा फरक विधेयक प्रतिनिधिसभाबाट पारित भएपछि यसलाई सच्चाउन राष्ट्रियसभालाई अनुरोध गर्नुभएको छ ।

समितिका सभापति खतिवडाले आज विज्ञप्ति निकालेर सङ्घीय निजामती विधेयकमा व्यवस्था गरिएको ुकुलिङ अफ पिरियडु संसद्‍मा पेश गर्दा मूल मर्मलाई भत्काउने गरी तोडमोड गरिएको विषय गम्भीर त्रुटि र अक्षम्य घटना भएको उल्लेख गर्नुभएको छ ।

विज्ञप्तिमा भनिएको छ, ‘यो सामान्य अवस्था होइन, छानबिनका लागि सभामुखसँग अनुरोध छ ।’ साथै उहाँले ुकुलिङ अफ पिरियडु राख्ने गरी सच्याउन राष्ट्रियसभालाई अनुरोध गर्नुभएको छ ।

समितिबाट पारित भएको व्यवस्था अनुसार ‘निजामती कर्मचारी वा अन्य सरकारी सेवाबाट राजीनामा दिएको वा अवकाश भएको कर्मचारीले सेवाबाट अवकाश भएको मितिले दुई वर्ष अवधि पूरा नभई कुनै पनि संवैधानिक वा सरकारी नियुक्ति पाउने छैन’ भन्ने रहेकोमा प्रतिनिधिसभाबाट पारित हुँदा केही बुँदा थपिएको पाइएको छ ।