काठमाडौ ८ असार । राष्ट्रिय स्वतन्त्र पार्टी रास्वपाका सांसद असिम शाहले गृहमन्त्री रमेश लेखकलाई इतिहासले ‘काफिला’ लुट्दा मौन मस्ने कायर ‘रहबर’को रुपमा सम्झिने टिप्पणी गरेका छन्।

आइतबारको प्रतिनिधिसभाको बैठकमा बोल्दै उनले सरकार भिजिट भिसा प्रकरणको छानबिन गर्नुको सट्टा मुखदर्शक बनेर बसेको समेत आरोप लगाए।

भिजिट भिसामार्फत ठगिएका नेपाली नागरिकलाई न्याय दिलाउनको लागि उच्चस्तरीय न्यायिक आयोग गठन गर्न समेत उनले माग दोहो¥याए।

‘गृहमन्त्रीले यही सदनमा भन्नुभएको थियो कुनै मन्त्रीमाथि प्रश्न उठे नैतिकताका आधारमा राजीनामा दिनुपर्छ,’ साहले भने, ‘आज उहाँमाथि प्रश्न उठेको छ। आज उपदेश नभई आचरण देखाउने समय हो। नत्र इतिहासले उहाँलाई काफिला लुट्दा मौन बस्ने कायर रहबरको रुपमा सम्झिनेछ।’

भिजिट भिसा प्रकरणमा गृहमन्त्री लेखकको राजीनामा र उच्चस्तरीय छानबिन आयोगको माग गर्दै रास्वपाले जेठ १३ गतेदेखि संसद् अवरोध गर्दै आएको छ।