काठमाडौं, १३ चैत । प्रदेश नं ३ प्रदेशसभाको बैठकमा स्थायी राजधानी तथा प्रदेशको नामकरणको विषयमा सांसदहरुले चासो व्यक्त गर्नुभयो ।
आजदेखि शुरु भएको प्रदेशसभा बैठकमा समय लिएर बोल्ने अधिकांश सांसदले प्रदेशको राजधानी स्थायी बनाउने विषयमा अब छलफल ढिलो थाल्न नहुने बताउनुभएको छ ।
बैठकमा एमाले सांसद राजेन्द्र पाण्डेले अब चाँडोभन्दा चाँडो प्रदेशको राजधानीको विषयमा टुंगो लगाउनुपर्ने बताउनुभयो । राजधानी नहुँदा स्थायी प्रकृतिका निर्माणको कामहरु गर्न समस्या भएको भन्दै उहाँले राजधानीको विषयलाई तत्काल टुंगो लगाउनुपर्ने बताउनुभएको हो ।
अर्का सांसद रामेश्वर फुँयालले राजधानीको विषय र नामकरणको विषय अब टुंगिनपर्ने बताउनुभयो ।
प्रमुख प्रतिपक्ष दल नेपाली काँग्रेसका सांसद् बलराम पौडेलले राजधानीको विषयलाई प्राथमिकता दिनुपनमा जोड दिनुभयो ।
काँग्रेसकी सांसद जीवन डंगोलले प्रदेश सरकारले राजधानीबारे तीन विकल्प रोज्न सक्ने बताउनुभएको छ ।
बैठकमा बोल्दै उहाँले प्रदेशको राजधानीलाई १०÷१० वर्षमा परिवर्तन गर्नेगरी घुम्ती राजधानीको प्रस्ताव समेत गर्नुभयो । प्रदेशसभाको अर्को बैठक चैत १६ गते ३ बजे बस्नेछ ।
प्रतिक्रिया दिनुहोस्