काठमाडौ ५ जेठ । प्रधानमन्त्रीसमेत रहेका नेकपा एमालेका अध्यक्ष केपी शर्मा ओलीले र नेपाली कांग्रेसका सभापति शेरबहादुर देउवा छलफल गर्दै छन्।
नेपाल राष्ट्र बैंकको गभर्नर नियुक्तिलगायतका विषयमा छलफल गर्न दुई नेताबीच छलफल हुने प्रधानमन्त्रीको सचिवालयले जनाएको छ।
त्यसपछि मन्त्रिपरिषद्को बैठक साँझ ६ बजे डाक्ने तयारीमा प्रधानमन्त्री ओली छन्।
प्रधानमन्त्रीको सचिवालय स्रोतका अनुसार, दुई नेताको छलफलपछि गभर्नर नियुक्तिका लागि गठन गरिएको सिफारिस समितिको बैठक बस्ने र उक्त समितिले तीन जनाको नाम सिफारिस गर्नेछ। त्यसपछि बस्ने मन्त्रिपरिषद् बैठकले गभर्नर नियुक्ति गर्न सक्नेछ।
‘कानुनी समस्या नआउने गरी निर्णय गर्नुपर्ने भयो,’ प्रधानमन्त्रीनिकट स्रोतले भन्यो, ‘त्यसैले प्रधानमन्त्रीले कांग्रेस सभापति देउवासँग छलफल गर्न लाग्नुभएको हो।’
प्रतिक्रिया दिनुहोस्