काठमाडौं २७ चैत । नेपाल बार एसोसिएसनको केन्द्रीय कार्यसमितिका लागि भएको निर्वाचनको मतगणना अन्तिम चरणमा पुगेको छ।
मत परिणामअनुसार, विजयप्रसाद मिश्र नेतृत्वको प्यानलको जित निश्चित भएको छ। यद्यपि, अन्तिम नतिजा भने बिहीबार घोषणा गरिनेछ।
हालसम्मको मत परिणाम अनुसार, ७ हजारभन्दा बढी मत गनिसक्दा मिश्रले ४ हजार ८९२ मत पाएका छन् भने उनका प्रतिद्वन्द्वी रमनकुमार श्रेष्ठले २ हजार २२९ मत पाएका छन्।
यस्तै महासचिवमा पनि मिश्र प्यानलकै केदारप्रसाद कोइरालाले ४ हजार ७०४ मत पाएका छन् भने श्रेष्ठ प्यानलका यज्ञमणि न्यौपानेले २ हजार २९ मत पाएका छन्।
अब ललितपुर जिल्ला अदालत बार एसोसिएनको मतपेटिका मात्र खोल्न बाँकी छ।
गन्न बाँकी मतभन्दा उम्मेदवारबीचको अन्तर बढी भएकाले मिश्र–कोइराला प्यानलको जित निश्चित भएको हो।
प्रतिक्रिया दिनुहोस्