न्यू हेभनको आश्चर्यजनक मिडसेन्चुरी डिजाइनको खजाना एक क्षेत्र भ्रमणका लागि योग्य छ। यहाँ के–के हेर्ने भनेर जान्नुहोस्।

होटल मार्सेल , पहिले आर्मस्ट्रङ रबर कम्पनीको मुख्यालय।, येल सेन्टर फर ब्रिटिश आर्टभित्रका स्काइलाइटहरू ; यो कंक्रिट र स्टेनलेस स्टिलको संरचना लुइस प्रथम खनद्वारा डिजाइन गरिएको अन्तिम प्रमुख भवन थियो। रिचर्ड क्यास्पोल (२)

न्यू हेभन प्रिजर्भेसन ट्रस्टकी सारा टिस्डेलका अनुसार, यहाँ १९३१ र १९८० बीचमा २५० भन्दा बढी परियोजनाहरू निर्माण भएका थिए। त्यस समयमा, “झुग्गी घटाउने, राजमार्गको पुनर्विचार गर्ने र राम्रो सार्वजनिक आवासमा केन्द्रित परियोजनाहरू राम्रोसँग वित्त पोषित थिए।“ उनले थपिन्, ती लक्ष्यहरू “डिजाइनद्वारा समाधान गरिएका थिए।“

त्यस समयका केही उल्लेखनीय संरचनाहरू क्याम्पसमा छन्, त्यसैले पैदल यात्रा सुरु गर्न यो राम्रो ठाउँ हो, त्यसपछि टाढा रहेका ठाउँहरूमा गाडीबाट जान सकिन्छ।

YCBA बाट सुरु गरौं, जहाँ निर्देशक मार्टिना ड्रोथका अनुसार आगन्तुकहरूले खानको भवनलाई नयाँ तरिकाले अनुभव गरून्। २२४ गुम्बजदार स्काइ लाइटहरू छलेर, भित्री वातावरण अब म्याट–स्टिल र ग्लासको बाहिरी कठोरताको तुलनामा धेरै न्यानो महसुस हुन्छ। “आकाशमा बादलहरू चलिरहेका छन् वा घाम लागेको दिन छ भने ग्यालरीको स्वर बदलिन्छ,“ ड्रोथले भनिन्, त्यसैले तपाईं वास्तवमै त्यसको सम्बन्ध महसुस गर्नुहुन्छ।

यो खानको अन्तिम डिजाइन थियो, उनको मृत्युको तीन वर्षपछि १९७४ मा पूरा भएको थियो, तर सडकको ठीक पारिपट्टि रहेको येल युनिभर्सिटी आर्ट ग्यालरी उनको पहिलो प्रमुख कमिसन र विश्वविद्यालयको पहिलो आधुनिकतावादी संरचना थियो। स्टिल र ग्लासका साथै चिनाई र कंक्रिटले बनेको यो ज्यामितिय र प्रकाशको सुन्दर अध्ययन हो, विशेष गरी छेउछाउका नव–गोथिक भवनहरूको विपरीत।

अर्कोः आर्ट एन्ड आर्किटेक्चर बिल्डिङ , एक ब्लक टाढा। “यो सायद विश्वको सबैभन्दा प्रसिद्ध ब्रुटालिस्ट भवन हो,“ बर्केले भने। पल रुडोल्फले डिजाइन गरेको कच्चा कंक्रिटबाट बाहिरी भागका आधारमा टावर उभिएको छ र ३७ अद्वितीय तहहरू समावेश गरी तेर्सोखाले तलहरूमा फैलिएको छ।

रुडोल्फ हल, येल आर्ट एन्ड आर्किटेक्चर बिल्डिङ ।

आर्ट एन्ड आर्किटेक्चर बिल्डिङ येलको केन्द्रीय क्याम्पसको कुनामा प्रभुत्व जमाउँछ।
हेविट युनिभर्सिटी क्वाडमा छोटो पैदल यात्राले तपाईंलाई गोर्डन बनशाफ्टको बेनेके लाइब्रेरी मा पु¥याउँछ। यसको ज्यामितीय ग्रेनाइट र मार्बलको बाहिरी भाग झ्यालविहीन देखिन्छ, तर भित्र, तपाईंले १¼ इन्च मोटाइका मार्बल प्यानलहरू देख्नुहुनेछ, जसले सूर्यको प्रकाश छान्छ र चम्किलो प्रकाश प्रदान गर्छ, साथै छ तले ग्लासले घेरिएको टावरभित्रका १,८०,००० दुर्लभ पुस्तक र पाण्डुलिपिहरूलाई संरक्षण गरिएको छ । भित्र बिताएको समय, “क्याथेड्रल जस्तो अनुभव“ हो बर्केले भने ।

येल युनिभर्सिटीको बेनेके रेयर बुक एन्ड म्यानुस्क्रिप्ट लाइब्रेरी ।

बेनेके लाइब्रेरी । यसका पातला मार्बल प्यानहरूले भित्र चम्किलो बनाएको छ ।
डाउनटाउन हुँदै ऐतिहासिक टाउन ग्रीन पार गरेर फर्किंदा, तपाईंले पल रुडोल्फको टेम्पल स्ट्रीट ग्यारेज देख्नुहुनेछ, यो घुमाउरो कंक्रिट संरचना बहु–तहसम्म फैलिएको र दुई ब्लक लामो छ।

टेम्पल स्ट्रीट ग्यारेज , पल रुडोल्फद्वारा डिजाइन।
पल रुडोल्फद्वारा डिजाइन गरिएको घुमाउरो टेम्पल स्ट्रीट ग्यारेज दुई सहर ब्लकसम्म फैलिएको छ।
हेभनली मा, शरणार्थी र आप्रवासी महिलाहरूद्वारा संचालित सडक–स्तरको क्याफे र प्रशिक्षण भान्सा, मासु र चिज बुरेक र टर्किस कफी अर्डर गर्नु पाइन्छ, र डाउनटाउन क्षेत्रबाट गाडीबाट निस्कनुअघि खान सकिन्छ ।

जर्ज स्ट्रीटतिर जाँदा तपाईं कम्युनिटी सर्भिसेस बिल्डिङ (जसलाई ब्लेस्ड माइकल म्याकगिभ्नी पिल्ग्रिमेज सेन्टर भनिन्छ) सँग आमनेसामने हुनुहुनेछ। यसको औद्योगिक कंक्रिटको बाहिरी भागमा कठोर रेखाहरू र बहने घुमाउरो आकारहरू छन्, विरोधाभासी आकार र रूपहरूको आक्रमण । तर भित्र, सुन्दर भर्यांग, लुकेको आँगन बगैंचा र अन्यले प्रभावलाई कोमल बनाउँछन्।

स्टेट स्ट्रीटमा उत्तरतिर क्रूज गर्दा — सेन्ट्रल स्टेसन फायर मुख्यालय लाई पार गर्दै, जुन बहुपक्षीय ब्रुटालिस्ट किल्ला जस्तो उभिएको छ — डिक्सवेलमा पुगिन्छ, जुन एक ऐतिहासिक अवश्वेत छिमेक हो। जोन एम. जोहान्सेनद्वारा डिजाइन गरिएको डिक्सवेल एभिन्यू कंग्रिगेसनल युनाइटेड चर्च अफ क्राइस्टले दुई तले केन्द्रीय टावर र अर्धवृत्ताकार खण्डसहित आधुनिकतावादी डिजाइनलाई देखाउँछ । त्यसपछि वेस्टभिलतिर लागौं, जहाँ टी–आकारको फैलिएको ¥यान्च, मिस्टर एन्ड मिसेज फ्रेडेरिक जे. गेसिन्जर हाउसले फ्र्याङ्क लोयड राइटका सिद्धान्तहरूलाई प्रतिबिम्बित गर्छ। गहिरो ओभरह्याङ भएको हिप्ड रूफ, ठाडो स्लिट झ्यालहरू र हल्का इँटाका बाहिरी भागले परिदृश्यमा सुन्दर रूपमा मेल खान्छ।

Hotel Marcel. BLDG

आर्मस्ट्रङ रबर भवन , मार्सेल ब्रेयर र रोबर्ट एफ. ग्याट्जेद्वारा डिजाइन।

मार्सेल ब्रेयर र रोबर्ट एफ. ग्याट्जेको भवन एल्म सिटीमा हेर्न लायक मिडसेन्चुरी आधुनिक भवनहरू मध्ये एक हो।
दिनलाई आधुनिकतावादी संरचनाभित्र समापन गर्न कति राम्रो हुन्थ्यो होला। बन्दरगाहको तलतिर, ब्रेयर र ग्याट्जेको आर्मस्ट्रङ रबर कम्पनी २०२२ मा १६५ कोठाको होटलका रुपमा रूपान्तरण भयो, जसलाई होटल मार्सेल भनिन्छ। यसको उपयुक्त नामको रेस्टुरेन्ट बीएलडीजी ले पिज्जा प्रदान गर्दैन, तर यदि तपाईंलाई इच्छा भएमा, तपाईं सधैं वूस्टर स्ट्रीटतिर टहल्न सक्नुहुन्छ, जुन आफ्ना पिज्जा पार्लरहरूका लागि प्रसिद्ध छ।

द वालस्ट्रिट जर्नलबाट