वाशिंटन, १२ चैत्र । अमेरिकी राष्ट्रपति डोनाल्ड ट्रम्पको क्याबिनेट ग्रुप च्याटमा भुलवश पत्रकारको नाम थपिएपछि यमनमाथि गर्न लागेको आक्रमणको योजना सार्वजनिक भएको छ।

द एटलान्टीकका प्रमुख सम्पादक जियफ्री गोल्डबर्ग सो ग्रुप च्याटमा समावेश भएका हुन्। राष्ट्रिय सुरक्षा सल्लाहकार माइक वाल्जले उनलाई आमन्त्रण गरेका थिए।
११ मार्चका दिन वाल्जबाट इन्स्राइपटेड उप सिगनल म्यासेजिङ एपमा गोल्डबर्गले निम्ता पाएका हुन्। १३ मार्चका दिन गोल्डबर्गले आफू ‘ हाउथी पिसी स्मल ग्रुप’ मा समावेश भएको सन्देश पाए। त्यसको ७२ घण्टा भित्रमा हाउथी माथि आक्रमण गर्ने कुरामा समन्वय गर्ने कुरा सो एपमा लेखिएको थियो।
१४ मार्चमा उपराष्ट्रपति जेडी भान्सले मिचिगनमा भएको आर्थिक सम्मेलनमा विषय प्रवेश गरेका थिए। त्यसपछि हाउकीमा आक्रमण गर्ने सहमति भएको थियो।
घटनापछि अमेरिकी रक्षा मन्त्री पिटर हेगसेथले गोल्डबर्ग गम्भीर पत्रकार नभएको आरोप लगाए।