काठमाडौं १२ फागुन । जर्मनीमा क्रिश्चियन डेमोक्रेटिक युनियन ९सीडीयू० र क्रिश्चियन सोसल युनियन ९सीएसयू० का भ्रातृ दल कन्जरभेटिभ सीडीयूरसीएसयू पार्टीले २८ दशमलव ६ प्रतिशत मत ल्याएर चुनाव जितेको छ ।

हिजो भएको चुनावको मतगणना सकिएसँगै अल्टरनेटिभ फर जर्मनी ९एएफडी० दोस्रो, सोसल डेमोक्याट ९एसपीडी० तेस्रो र ग्रीन्स चौथो स्थानमा रहेको नतिजा सार्वजनिक भएको बीबीसीले पुष्टि गरेको छ । मत परिणामसँगै कन्जरभेटिभ नेता फ्रेडरिक मर्ज जर्मनीको चान्सलर बन्ने पक्का भएको छ ।

सन् २०२४ को अन्तमा तीन दलीय गठबन्धन भङ्ग भएसँगै जर्मनीमा नयाँ सङ्घीय सरकारका लागि लाखौँ नागरिकले हिजो मतदान गरका हुन् ।

जर्मनीको संसद्को तल्लो सदन बुन्डेसटागको मतदान भएको हो । नियमित समयअनुसार आउँदो सेप्टेम्बरमा चुनाव हुनुपर्ने भए पनि गएको वर्ष सोसल डेमोक्रेटिक पार्टी ९एसपीडी०, ग्रीन्स र फ्री डेमोक्र्याटिक पार्टीको सत्तारूढ गठबन्धन भत्किएपछि निर्धारित समयभन्दा अघि नै मध्यावधि चुनाव भएको हो ।

जर्मनीको तल्लो सदन ६ सय ३० सदस्यीय छ । ५ करोड ९२ लाख मतदाता छन् । खस्कँदो अर्थतन्त्र र आप्रवासनलाई दोष दिएको सुरक्षा चिन्ता जर्मनीका अहिलेका मुख्य समस्या हुन् ।

दलहरूले यिनै विषयलाई मुद्दा बनाएका छन् । विश्वमञ्चमा पनि जर्मनीले महत्त्वपूर्ण निर्णयहरू लिने भएका कारण चुनावलाई अमेरिका र युरोपले चासोका साथ हेरेका छन् । जर्मनी युक्रेनमा अमेरिकापछि दोस्रो धेरै सैन्य सहयोग गर्ने देश हो ।