डिपोर्टेशन र ट्यारिफ लगाउने घोषणाको कोलम्वियाबाट जबाफी चेतावनी

काठमाडौं १४ माघ । दक्षिण अमेरिकी देश कोलम्वियाले अमेरिकी सैन्य विमानमार्फत प्रवासीहरू फर्काउन निर्णयको प्रतिवाद गरेको छ ।
कोलम्बियाले अमेरिकी सैन्य विमानहरूले डिपोर्ट गर्ने प्रवासीहरूलाई स्वीकार गर्न अस्वीकार गरेपछि, राष्ट्रपति ट्रम्प रिसाएको प्रतिक्रिया स्वरुप आइतबार लामो समयदेखि ल्याटिन अमेरिकामा अमेरिकाको शीर्ष सहयोगी रहेको देशमा ट्यारिफ र प्रतिबन्धहरूको बौछार गरेको घोषणा गरे भन्ने समाचार न्यूयोर्क टाइम्सले लेखेको छ ।

अमेरिकाले तुरुन्तै कोलम्बियाबाट आयात हुने सबै वस्तुमा २५ प्रतिशत ट्यारिफ लगाउनेछ, र एक हप्तामा यसलाई ५० प्रतिशतसम्म बढाउनेछ, ट्रम्पले सोशल मिडियामा तुरुन्तै लेखेका थिए ।

ट्रम्प प्रशासनले कोलम्बियाविरुद्ध बैंकिङ र वित्तीय प्रतिबन्धहरू ‘पूर्ण रूपमा लगाउनेछ’ र कोलम्बियाली सरकारी अधिकारीहरूमा यात्रा प्रतिबन्ध लगाउने र उनीहरूको भिसा रद्द गर्नेछ, राष्ट्रपति ट्रम्पले चेतावनी दिएका छन् ।

कोलम्बियाका वामपन्थी राष्ट्रपति गुस्ताभो पेट्रोले पनि ट्रम्पलाई जवाफी कारबाही गरेका छन् । उनले एक सोशल मिडिया पोष्टमा, अमेरिकाबाट कोलम्बियामा आयात हुने वस्तुमा २५ प्रतिशत प्रतिशोधात्मक ट्यारिफ लगाउने घोषणा गरेको लगत्तै अर्को लामो पोष्टमा उनले पनि यी ट्यारिफहरू ५० प्रतिशतसम्म पुग्ने घोषणा गरेका छन् ।
कोलम्बियाली राष्ट्रपति गुस्ताभो पेट्रोले अमेरिकाको विमानलाई डिपोर्ट गरिएका कोलम्बियालीहरू फर्काउने कदम रोक्ने निर्णय गरेपछि नयाँ द्धन्द्ध देखिएको छ । पेट्रोको निर्णयले अमेरिकामा अवैध रूपमा प्रवेश गर्ने प्रवासीहरूलाई हटाउने ट्रम्पको नीतिलाई कोलम्वियाले चुनौती दिएको छ ।

ट्रम्पले उनको ट्रुथ सोशल प्लेटफर्ममा एक पोष्टमा कोलम्वियाको जवाफ दिंदै भनेका छन् २५ प्रतिशत ट्यारिफ एक हप्तामा ५० प्रतिशतम् सम्म बढाइनेछ। ट्रम्पले कोलम्बियाली सरकारी अधिकारीहरूको यात्रा प्रतिबन्ध लगाउने र सरकारसँग जोडिएका व्यक्तिहरूलाई भिसा प्रतिबन्ध लगाउने घोषणा गरेको वाल स्ट्रिट जर्नलले लेखेको छ ।

ूयी कदमहरू केवल सुरुवात हुन्, ट्रम्पले लेखेका छन्। ‘हामी कोलम्बियाली सरकारलाई अमेरिकामा जबरजस्ती पठाइएका अपराधीहरूलाई स्वीकार गर्ने र फर्काउने सम्बन्धमा उनको कानूनी दायित्व उल्लंघन गर्न दिने छैनौं ‘

एक वरिष्ठ प्रशासनिक अधिकारीले आइतबार दिउँसो सम्म, औपचारिक आदेशहरू ट्रम्पले हस्ताक्षर गर्नका लागि मस्यौदा गरिएको बताएका छन् । ती अधिकारीले अमेरिका र कोलम्बियाले ट्यारिफ टाढा राख्न सकिने कुरामा छलफल गरिरहेको बताए।

कोलम्वियाका राष्ट्रपति पेट्रोले एक लामो पोष्ट गर्दै एक्मा लेखेको छन् ‘मलाई जानकारी भए अनुसार तपाईंले हाम्रो श्रमको फल अमेरिकामा प्रवेश गर्दा ५०प्रतिशत ट्यारिफ लगाउनु भएको छ। म पनि त्यस्तै गर्छु।’ ट्रम्पको ट्यारिफको प्रतिकार गर्ने उनले यसरी प्रति धम्की दिएका छन् ।

पेट्रोको बयानको बावजूद, कोलम्बियाली सरकारले ‘अमेरिकी सरकारसँग सक्रिय कुराकानी भइरहेको छ, डिपोर्ट गरिएका कोलम्बियालीहरूका लागि सम्मानको न्यूनतम शर्तहरू सुनिश्चित गर्ने सम्झौताहरू खोजिनु पर्ने जर्नलले उल्लेख गरेको छ ।

कोलम्बियाली राष्ट्रपतिले उनको एक्स खातामा ‘अमेरिकाले कोलम्बियाली प्रवासीहरूलाई अपराधीको रूपमा व्यवहार गर्न सक्दैनू भन्दै थप लेखेका छन् ‘म कोलम्बियाली प्रवासीहरू भएका अमेरिकी विमानहरूलाई हाम्रो भूभागमा प्रवेश गर्न दिने कुरा अस्वीकार गर्छु।’

एक रक्षा अधिकारीले बताएअनुसार दुई अमेरिकी सैन्य सी– १७ विमानहरूमा झण्डै १६० जना प्रवासीहरूलाई लिएर सान डिएगोबाट उडान भर्दा कोलम्बियामा उत्रन कुननीतिक अनुमति प्राप्त गरेका थिए, तर आइतबार यात्रा बाटोमै रद्द गरिएको थियो। पेट्रोको चेतावनीपछि ती अमेरिकी सैन्य विमानहरू फेरि अमेरिकामै फर्किएको न्यूयोर्क टाइम्सले उल्लेख गरेको छ ।

अमेरिकाले कोलम्बियामा ट्यारिफ र प्रतिबन्धहरू अन्तर्राष्ट्रिय आपतकालीन आर्थिक शक्ति ऐन अन्तर्गत लगाउने चेतावनी दिएको छ । । यो ऐनले राष्ट्रपतिलाई आर्थिक आपतकाल घोषणा गर्दा अन्य देशहरूमा कर र जरिवाना लगाउने व्यापक अधिकार दिन्छ। यस अघि यो ऐन ट्यारिफ लगाउन प्रयोग गरिएको थिएन, तर १९७१ मा राष्ट्रपति रिचार्ड निक्सनले यसको पूर्ववर्ती ऐन प्रयोग गरेर सबै आयातमा १०प्रतिशत ट्यारिफ लगाएका थिए।

कोलम्बियाली राष्ट्रपति गुस्ताभो पेट्रोले सोसल मिडियामा लेखेका छन्, ‘अमेरिकाले कोलम्बियाली प्रवासीहरूलाई अपराधीको रूपमा व्यवहार गर्न सक्दैन।’

तथ्याङ्क अनुसार, २०२३ मा अमेरिकाले कोलम्बियाबाट १६.१ बिलियन डलरको माल आयात गरेको थियो । यो आयात साझेदारहरूमा स्विडेन पछि र अस्ट्रेलियाभन्दा अगाडि २६ औं स्थानमा रहेको छ । कच्चा तेलले त्यो डलर मूल्यको लगभग एक तिहाई भाग ओगटेको थियो। अमेरिकाले कोलम्बियाबाट प्राप्त गर्ने अन्य प्रमुख वस्तुहरूमा सुन, कफी, केरा र ताजा काटिएका गुलाबहरू रहेका छन् ।

२०२३ मा, संयुक्त राष्ट्रको तथ्याङ्क अनुसार, अमेरिकाले कोलम्बियाको निर्यात मूल्यको २८प्रतिशत ओगटेको थियो, जुन कुनै पनि अन्य व्यापारिक साझेदारभन्दा बढी निर्यात हो। जनगणना ब्यूरो अनुसार, २०२३ मा अमेरिकाले कोलम्बियामा १७.७ बिलियन डलरको माल पठाएको थियो । निर्यातित प्रमुख वस्तुहरूमा हल्का तेल, मकै, र नागरिक विमान र त्यसका पाटपुर्जाहरू रहेका छन् ।