काठमाडौं २८ पुस । नेपाली राष्ट्रिय महिला क्रिकेट टोलीले त्रिदेशीय टि–२० क्रिकेट शृङ्खला खेल्ने भएको छ । नेपाल क्रिकेट संघ ९क्यान० ले विज्ञप्ती निकालेर आउँदो माघ १७ देखि २५ गतेसम्म प्रतियोगिता आयोजना गर्न लागेको जानकारी गराएको छ ।

नेपालसहित नेदरल्याण्ड्स र थाइल्याण्डको महिला टोलीको सहभागिता रहने शृङ्खलाका सबै खेल कीर्तिपुरमा रहेको त्रिवि क्रिकेट मैदानमा हुनेछन् । शृङ्खलामा हरेक टोलीले हरेकसँग तीन पटक खेल्नेछन् । लिग चरणको अङ्क तालिकाको शीर्ष स्थानमा रहने टोली विजेता बन्नेछ ।

नेपालको पहिलो खेल उद्घाटनकै दिन नेदरल्याण्ड्ससँग हुनेछ । यस्तै माघ १७ गते नेदरल्याण्ड्ससँग, १८ गते थाइल्याण्डसँग, २० गते नेदरल्याण्ड्ससँग, २१ गते थाइल्याण्डसँग, २२ गते नेदरल्याण्ड्ससँग र माघ २३ गते थाइल्याण्डसँग खेल्नेछ । नेपाली महिला टोलीको नेदरल्याण्ड्ससँग पहिलो अनुभव हुनेछ । यसैबीच विश्वकपमा सहभागी हुन नेपालको १९ वर्षमुनिको महिला क्रिकेट टोली हिजो मलेसिया गएको छ ।