काठमाडौं १६ पुस । इंग्लिस प्रिमियर लिग फुटबलमा चेल्सी र म्यानचेस्टर युनाइटेड पराजित भएका छन् ।
आज बिहान भएको खेलमा चेल्सी इपस्वीच टाउनसँग र युनाइटेड न्यूक्यासलसँग समान २–० गोलले पराजित भएका हुन् ।
चेल्सी १९ खेलमा ३५ अङ्कका साथ तालिकाको चौथो स्थानमा छ । समान खेलमा १५ अङ्कका साथ इपस्वीच टाउन तालिकाको १८ औँ स्थानमा रहेको छ ।
यस्तै १९ खेलमा ३२ अङ्कका साथ न्यूक्यासल अङ्क तालिकाको पाँचौँ स्थानमा रहँदा म्याचेस्टर युनाइटेड २२ अङ्कका साथ १४ औँ स्थानमा छ ।
एस्टन भिल्ला र ब्राइटनले भने २–२ गोलको बराबरी खेलेका छन् । समान १९ खेलमा २९ अङ्कका साथ एस्टन भिल्ला नवौँ स्थानमा रहँदा २७ अङ्क रहेको ब्राइटन १० औँ स्थानमा छ ।
प्रिमियर लिगमा १८ खेल खेलेको लिभरपुल ४५ अङ्कका साथ शीर्ष स्थानमा छ ।
प्रतिक्रिया दिनुहोस्