काठमाडौं ११ पुस । म्याग्दीको धवलागिरी गाउँपालिकाले अधुरा आयोजनालाई प्राथमिकता दिएर थप चार करोड २१ लाख रुपियाँ बजेट विनियोजन गरेको छ ।

गाउँपालिकाको केन्द्र मुनामा बुधबार सम्पन्न २३ औँ गाउँसभा ९हिउँदे अधिवेशन०ले चार करोड २१ लाख बजेट विनियोजन गरेको हो । गत आर्थिक वर्षमा खर्च हुन बाँकी रहेको मौज्दातलाई विभिन्न योजना र प्रशासनिक खर्चका लागि थप बजेट विनियोजन गरिएको गाउँपालिका प्रमुख प्रशासकीय अधिकृत मोतिप्रसाद अर्यालले बताउनुभयो ।

उहाँका अनुसार, विनियोजित बजेटमा जिल्लाकै विकट गाउँ गूर्जा जोड्ने सडक र निर्माणाधिन गाउँपालिकाको प्रशासकीय भवनलाई ६०र६० लाख रुपियाँ बजेट विनियोजन गरिएको छ ।

उपाध्यक्ष रेशम पुनले प्रस्तुत गर्नुभएको बजेट पारित भएको हो । यसैगरी, वडा नम्बर ३ मा झोलुङ्गे पुल निर्माण गर्न १२ लाख रुपियाँ बजेट निर्माण गरिएको छ भने विभिन्न वडामा सडक र खानेपानी आयोजना निर्माणलगायत शीर्षकमा बजेट विनियोजन गरिएको छ ।

बजेट पारित गरिएकोमा बुधबारको गाउँसभाले संशोधित बजेट स्वीकृत गरी गाउँपालिकाको कुल बजेट ४७ करोड ६४ लाख रुपियाँ रहेको छ । गाउँपालिका अध्यक्ष प्रेमप्रसाद पुनले गाउँसभामा विनियोजन ऐन २०८१ लाई संशोधन गरी विभिन्न योजनाहरुमा रकम थपका साथै रकमान्तर गर्ने निर्णयसँगै योजनाको कार्यान्वयनमा समेत जोड दिनुभएको थियो ।

वडा नम्बर ३ का वडा अध्यक्ष देबेन्द्र रोकाका अनुसार, गाउँपालिकाले सामुदायिक विद्यालयमा ३० बर्षभन्दा बढी समय शिक्षण सेवा आवद्ध धनजनता मावि फलीयागाउँका प्रअ पूर्णबहादुर भण्डारी, कल्लेनी आधारभूत विद्यालय कल्लेनका प्रअ भेषनाथ गौतम, हेम माविका शिक्षकद्वयय ठाकुर पौडेल, कर्ननाथ सुवेदी, धौलागिरी मावि मुनाका शिक्षक मनबहादुर पुन, जगन्नाथ आधारभुत विद्यालय हिलापोखरीका प्रअ सुकदेव पौडेल, कोट आधारभूत विद्यालय काफलडाँडाका प्रअ हेमनाथ उपाध्याय र जनविकास मावि मराङका शिक्षक खडानन्द शर्मालाई जनही नगद ६ हजार सात सय रुपियाँको साथमा दोसल्ला र सम्मानपत्रद्धारा सम्मान गरिएको छ ।