काठमाडौँ । झ्यालमा बाँधिएको अवस्थामा एक कर्मचारीको शव फेला परेको छ । आइतबार बिहान सप्तरीको राजविराजस्थित जिल्ला खेलकुद विकास समिति परिसरको भवनको झ्यालमा बाँधिएको अवस्थामा अस्पतालका कर्मचारीको शव फेला परेको हो ।
मृत फेला पर्नेमा गजेन्द्र नारायण सिंह सगरमाथा अस्पतालको टिकट काउन्टरमा कार्यरत अन्दाजी ४० वर्षीय सुधीर कुमार झा रहेको सप्तरीका प्रहरी प्रवक्ता डिएसपी जितेन्द्र कुमार बस्नेतले प्रशासनलाई बताए ।
प्रहरीका अनुसार मृतक झाका दुवै खुट्टाले भुईँ टेकेको देखिन्छ । उनको घाँटीको डोरी झ्यालको रडमा बाँधिएको छ । घटनाबारे अनुसन्धान भइरहेको प्रहरी प्रवक्ता बस्नेतले जानकारी दिए ।
प्रतिक्रिया दिनुहोस्